දීර්ඝ කාලයක් විත්තිකරුවන් රිමාන්ඩ් භාරයේ පසුවන බැවින් ඔවුන්ට ඇප ලබා දෙන ලෙස විත්තියේ නීතිඥවරුන් කොළඹ මහාධිකරණයෙන් අද ඉල්ලීමක් කළේය.

ඔවුනට දරුවන් 5 දෙනකු සිටින බවත් (අවුරුදු 8 - 17 වයස් සීමාවේ) ඔවුන්ගේ ආරක්ෂාව පතා ඇප අයදින බවත් ඔවුන්ගේ නීතිඥවරු අධිකරණය හමුවේ කියා සිටියහ.

ඉල්ලීම දීර්ඝ ලෙස සලකා බැලූ කොළඹ මහාධිකරණ විනිසුරු සරෝජනී කුසලා වීරවර්ධන මහත්මිය කියා සිටියේ විත්තිකරුවන්ට ඇප නියම කරනවාද නැද්ද යන්න පිළිබඳ තීන්දුව ජුලි මස 03 වනදා ප්‍රකාශයට පත් කරන බවයි.

2012 වර්ෂයේ ජනවාරි මස 30 වනදා කහවත්ත, කොටකෙතන ප්‍රදේශයේ මවක සහ දියණියක ඝාතනය කිරීම සම්බන්ධයෙන් චෝදනා ලබා සිටින විත්තිකරුවෙකු සහ විත්තිකාරියකට එරෙහිව නීතිපතිවරයා විසින් මෙම නඩුව පවරා ඇත.