මෙයට හේතුව වී ඇත්තේ ජනාධිපති මෛත්රීපාල සිරිසේන මහතා මහින්ද රාජපක්ෂ මහතා ඇතුළු කණ්ඩායකට ශ්රී ලනීපයෙන් නාමයෝජනා ලබා දීම කෙරෙහි ලිහිල් ප්රතිපත්තියක් අනුගමනය කිරීමය. ඊට සේනාරත්න මහතා දැඩි විරෝධයක් දක්ව ඇති නමුදු පක්ෂය බේරා ගත යුතු බව කියමින් මෛත්රීපාල සිරිසේන මහතා පක්ෂයේ ජේෂ්ඨයන්ට අවශ්ය ලෙස කටයුතු කිරීමට ඉඩ හැර ඇත. පක්ෂය බේරා ගැනීමට කියා දූෂිත රාජපක්ෂලා සමඟ එක පෙළට සිට ගැනීමට තමන්ට නොහැකි බව රාජපක්ෂ විරෝධීන්ගේ මතය වී තිබේ.
කෙසේ නමුත් සිරිසේන මහතා තම සටන අත් හැරීම සම්බන්ධයෙන් හිටපු ජනාධිපති චන්ද්රිකා බණ්ඩාරනායක, ඇමැති චම්පික රණවක ද දැඩිව විරෝධය පළ කර ඇත. මේ අතර ශ්රී ලනීපයේ තවත් ජේෂ්ඨයන් පිරිසක් රාජපක්ෂවරුන්ට එරෙහිව සිය බලය පාවිච්චි කරන ලෙස සිරිසේන මහතාගෙන් ඉල්ලීමක්ද කර ඇති අතර ශ්රී ලනීපයේ මහින්දවාදී කොටස් අඩපණ කිරීම වෙනුවෙන් එම පක්ෂයේ සභාපති ධුරයට චන්ද්රිකා බණ්ඩරනායක මහත්මියට ලබා දීමේ උත්සහයකද නියැලී සිටී.
