අලියා යන සතත්වයා විනය ගරුක සතත්වයෙක් බවත් ඒ ලාංඡනයෙන් යුක්ත එජාපය විනයගරුක හා සත්භාවයෙන් යුක්ත පක්ෂයක් බවත් එම ස්වභාවය නිවටකමක් බව ප්රතිවාදීන් සිතනවානම් ඔවුන්ට වැරදී ඇති බව අමාත්යවරයා පැවසුවේය.
එහිදි වැඩිදුරටත් අදහස් දැක්වු කබීර් හෂීම් සඳහන් කළේ පසුගිය ජනාධිපතිවරණයේදි රාජපක්ෂ රෙජිමය රත්නපුර දිස්ත්රික්කයේ එක්සත් ජාතික පාක්ෂිකයෙක් ඝාතනය කළ අතර මෙවරද තලතා අතුකෝරළ මහත්මියගේ සමීප පාක්ෂීකයකු හට අමානුෂික ලෙස පහර දී ඝාතනය කර ඇති බවයි.පරාජිත පිරිස දැන් හැසිරෙන ආකාරය අනුමත නොකරන බවත් එබදු ක්රියා මගින් එජාප මැතිවරණ සටන අඩපණ කිරීමට ඉඩ නොදෙන බව පැවසුවේය.
එජාපය නීතියේ ආදිපත්යයට හිස නමන බවත් කිසිවිටකත් ප්රචණ්ඩත්වයට හිස නොනමන බවත් එවැනි තත්වයන් ඇති කර අලියා කුලප්පුකර නොගන්නැයි අවධාරණය කළේය.
කන්දක් විළිලා මීයෙක් වැදූ කතාවක් අසා ඇති බවත් කන්දක් නොව කදු පන්තියක් තරමේ මහා විලාපයකින් කුරුමිණි පැටියෙක් බිහිකළ ආකාරය පසුගියදා මැදමුලනෙන් ඇසුණ බවත් එය දූෂිත කුරුමිණි රංචුවක් එක්වී සිදු කළ විහිළුවක් බව කියා සිටියේය.
වර්තමානය වන විට එජාපය වටා විශාල පිරිසක් රොද බදිමින් සිටින බවත් පොදු ජනයා ආරක්ෂා කිරීමට එජාපය නායකත්වය දෙන බවත් ඒ වෙනුවෙන් සටන් කරන බවද පැවසුවේය.
