රාජපක්ෂලා අරලිය ගහ මන්දිරයේ දන්සැල් දුන්නේත් සුරතල් සතුන් ඇති කළේත් තමන්ගේ නිවසට එන අමුත්තන්ට කන්න බොන්න දී ඇත්තේත් ආණ්ඩුවේ මුදලින් බවත්,රාජපක්ෂ රෙජිමය අනාථාධාර වලින් පවා ගසාකමින් 2014 දී ගංවතුරෙන් විපතට පත් ජනතාවට සහන සැලසීම සදහා ලැබුණු ඇ.ඩො.මි 48 ක් වූ මුදලින් රුපියල් ලක්ෂ 6480 ක් වංචා කර ඇති බව පැවසුවේය.
එතුමා සිල්රෙදි බෙදීම හෝ ආධාර කිරීම වරදක් නොවන බවත් වරද වන්නේ ඒවා සිදු කළ ක්රමය බවත් මැතිවරණ සමයේ මැතිවරණ කොමසාරිස්වරයා තහනම් කළ ක්රියා පවා සිදු කළේ එතුමාගේ මුදලින් නොව ආණ්ඩුවේ සල්ලි වලින් බවත් එසේ කිරීම නීතිවිරෝධී බවත් කියා සිටියේය.
සිල් රෙදි බෙදීමට විදුලි සංදේශ නියාමන කොමිසමේ මුදල් යොදා ගෙන ඇති බවත් සිල් රෙදි බෙදීමෙන් පවා සිදු කර ඇත්තේ වංචාවන් බවත් වැඩි මුදලක් ගොස් ඇත්තේ ඔවුන්ගේ සාක්කු වලට බවත් පන්සල් සල්ලි පවා ගසා කෑ බවත් පැවසුවේය.
කාල්ටන් පෙර පාසැල හරහා ශිරන්ති රාජපක්ෂ මහත්මිය මුදල් ලබා ගෙන ඇති බවත් උසස් පාසැල් වලට දරුවන් ඇතුළත් කිරීමට කාල්ටන් පෙරපාසැල හරහා මුදල් ලබා ගැනීම පාසැල් සදහා ළමුන් ඇතුළත් කිරීමේ චක්රලේඛ පවා උල්ලංඝනය කිරීමක් බවත් එ් ගැන ලැයිස්තු මේ වන විට සකස් කරමින් සිටින බව කීවේය. ඒ තොරතුරු සතු අය වේ නම් ඉදිරිපත් කරන ලෙසද ඉල්ලා සිටියේය.
ශිරන්ති රාජපක්ෂ මහත්මිය මැදිහත්වී ඇත්තේ ළමුන් ඇතුළත් කිරීමට පමණක් නොවන බවත් රජයේ ටෙන්ඩර් ලබාදීම,නිවාස ලබා දීම,රැකියා ලබාදීම ආදී කටයුතු වලටද ඇය අත පොවා ඇති බවත් මේ මගින් මහා පරිමාණයේ දූෂණ වංචා සිදුවී තිබෙන බවට සාක්ෂි ලැබෙමින් පවතින බව පැවසුවේය.
අද රටේ කණ්ඩායම් දෙකක් සිටින බවත් ඒ දූෂණ අක්රමිකතා නැවැත්වීමට රාජ්ය බලය ඉල්ලන කණ්ඩායම සහ දූෂණ වංචා වසා ගැනීමට බලය ඉල්ලන කණ්ඩායම වශයෙන් බවත් පැවසුවේය.රට වෙනුවෙන් විදුලි පුටුවටත් යාමට සූදානම් කියූ හිටපු ජනාධිපතිවරයා අද අල්ලස් කොමිසම ඉදිරියට යාමටද බියෙන් පසුවන බවත් ශෂී වීරවංශ මහතිමියට තරම්වත් කොන්දක් නොමැති තත්වයට පත්ව ඇති බවද පැවසුවේය.
