ඒ අනුව ඔහුව අද (3) ජනාධිපති පරීක්ෂණ කොමිසම වෙත කැඳවා ඇත.
මෙම මුදල් ලබාදී ඇත්තේ ධීවර වරාය නීතිගත සංස්ථාව හරහා බව පරීක්ෂණවලින් හෙළිදරව් වී අැත.
මීගමුව කලපුව සංවර්ධන සමාරම්භක උත්සවය තිබී ඇත්තේ ඉකුත් වසරේ දෙසැම්බර් 31 වැනිදාය. එම උත්සවය වෙනුවෙන් ධීවර වරාය නීතිගත සංස්ථාව රුපියල් එක්කෝටි තිස්දෙලක්ෂයක මුදලක් වෙන්කර තිබිණි.
උත්සවය වෙනුවෙන් ඉදිකර සමරු ඵලකය සඳහා රුපියල් දහඅට ලක්ෂයක මුදලක් වැයවූ බව දැක්වූවද ඒ සඳහා සැබැවින්ම වැය වී ඇත්තේ රුපියල් ලක්ෂ 4 කට අඩු මුදලක් බව හෙළිවී අැත. ඊට අමතරව මෙම උත්සවයේ තවත් අංග සහ විවිධ භාණ්ඩ මිලදී ගැනීම් වෙනුවෙන්ද රුපියල් කෝටියකට වැඩි මුදලක් වැය කළ බව ගිණුම් ගතකර තිබී ඇත.
එහෙත් මෙම මුදල වැයකර එබදු උත්සවයක් පැවැත්වීමට ධීවර වරාය නීතිගත සංස්ථාව කටයුතු කර නැත.
ධීවර වරාය නීතිගත සංස්ථාවේ හිටපු සභාපති ඇතුළු ජ්යෙෂ්ඨ නිලධාරීන් තිදෙනකුගෙන් ජනාධිපති පරීක්ෂණ කොමිසම මේ වන විටත් ප්රශ්න කර ඇත.
මෙම මුදල් අවභාවිතය සම්බන්ධයෙන් ජනාධිපති පරීක්ෂණ කොමිසම වෙත ලැබී ඇති පැමිණිල්ලක් අනුව විමර්ශන පවත්වාගෙන යයි.
