මෙයට හේතු වී ඇත්තේ ජනාධිපතිවරයා ගනු ලබන ඇතැම් දේශපාලන තීන්දු තීරණ රජයේ ජනමාධ්‍ය වෙතින් විවෙචනයට ලක්වීමය. විශේෂයෙන්ම මහින්ද රාජපක්ෂ මහතාට නාම යෝජන ලබා දිමට ගත් තීරණය ගැන විවේචනාත්මක තොරතුරු රැසක් පසුගිය දින කිහිපයේදී පළ විය.
ජනවාරී 08 වෙනිදා ආණ්ඩු බලය වෙනස් වීමන් පසුව රජය යටතේ පවතින ස්වාධීන රූපවාහිනී ආයතනය හා ලේක්හවුස් ආයතනය එක්සත් ජාතික පක්ෂයේ පලනයට නතු වූ අතර රූපවාහිනී සංස්ථාව හා ගුවන් විදුලි සංස්ථාව මෛත්‍රීපාල සිරිසේන මහතාගේ පාර්ශ්වයට නතු විය.ඒ අනුව එම ආයතනවල වැදගත් තනතුරු පි‍රැවිණි. රූපවාහිනී සංස්ථාවේ වගකිව යුතු තනතුරු රැසක්ම ජාතික හෙළ උරුමයේ බලපෑමට නතුවිය. රූපවාහිනී සංස්ථාවේ සභාපතිධුරයට සෝමරත්න දිසානායක මහතා පත් කිරීමද අතුරලියේ රතන හිමිගේ මැදිහත් වීමෙන් සිදුවිය.
මේ වන විට හෙළ උරුමයද සන්ධාන ආණ්ඩුවෙන් ඉවත්ව සිටී. මේ තත්වය මත රාජ්‍ය මාධ්‍ය පාලනය කිරීම ජනාධිපතිවරයා අතට නොගත හොත් ඉදිරි මැතිවරණ සමයේදී රාජ්‍ය මාධ්‍ය විසින් ජනාධිපතිවරයාට හා ඔහු සමඟ එක්ව සිටින හිටපු පරාජිත ජනාධිපතිවරයාට එරෙහිව ජනමතය හැසිරවීම සිදුවිය හැකි බව ජනාධිපතිවරයාගේ සමිපතමයන් ඔහුට පෙන්වා දී තිබේ. අද සිළුමිණ පුවත් පතෙහිද එවැනි ලිපි කිහිපයක්ම පල වී ඇත.
එමෙන්ම ජනමාධ්‍ය අමාතයංශයේ ලේකම් කරුණාරත්න පරණවිතාන මහතා මහ මැතිවරණයේදී නිදහස් සන්ධානයෙන් තරඟ කිරීමට සූදනම්ව සිටියද ජනාධිපතිවරයා, රාජපක්ෂ මහතා සමඟ එකතු වීම කෙරේ දැඩි කළ කිරීමෙකින් පසුවන බවත් දැන ගන්නට තිබේ.
