එහෙත් ජනාධිපතිවරයා විසින් මහින්ද රාජපක්ෂ ඇතුළු දූෂිතයන් රැළකට සන්ධානයේ නාම යෝජනා ලබා දීමට තීරණය කිරීම නිසා තව දුරටත් ජනාධිපතිවරයාගේ උපදේශකයකු ලෙස කටයුතු කිරීම කළ නොහැකි වීම එම තනතුරෙන් ඉවත් වීමට හේතුව වී තිබේ.
එමෙන්ම ඔහු හා වමේ කෙන්ද්‍රය, යහපාලනය සදහා වූ ජාතික පෙරමුණට මෙවර සහයෝගය ලබා දීමට තීරණය කර ඇති අතර ශ්‍රී ලංකා කොමියුනිස්ට් පක්ෂයේ ජනප්‍රිය දේශපාලන ක්‍රියාකාරිකයකුව සිටි රාජා උස්වැටකෙයියාව මහතාද යහපාලන පෙරමුණට සහයෝගය ලබා දීමට තීරණය කර ඇති අතර ඔවුන් දෙදෙනාම එම පෙරමුණේ ජාතික ලැයිස්තුවටද ඇතුලත් කොට ඇත.
වික්‍රමරත්න මහතාගේ නම නිදහස් සන්ධානයේ ජාතික ලැයිස්තුවට නම් කිරීමට ජනාධිපතිවරයා අදහස් කරගෙන සිටි නමුත් ඔහුට ලැබූ ජනවරම පාවා දෙමින් කටයුතු කිරීම නිසා වික්‍රමරත්න මහතා වැනි බුද්ධිමතුන්ද ඔහුව හැර යාමට පටන්ගෙන තිබේ. 19 වන ආණ්ඩුක්‍රම වයවස්ථා ප්‍රතිසංස්කරණය වෙනුවෙන් වික්‍රමරත්න මහතා විශාල වෙහෙසක් දැරූවෙකි.
