මෛත‍්‍රීපාල සිරිසේන ජනාධිපතිවරයාට විළිලැජ්ජාව කියා දෙයක් අැත්නම් කිසිවිටෙකත් හිටපු ජනාධිපති සමග සුසංයා්ගයක් ඇති කර ගැනීමට කටයුතු නොකරන බවත් වත්මන් ජනපති එබදු තීරණයකට ඒමට තරම් ලැජ්ජ නහර කපාගෙන අැත්නම් ඒ පිළිබද කණගාටුවන බවත් උෟව පළාත් ප්රධාන අමාත්‍ය හරීන් ප්රනාන්දු මහතා පසුගිය දිනක පැවසුවේය. ජනාධිපති මෛතී‍්‍රපාල සිරිසේන මහතා එළැඹෙන මහ මැතිවරණයේදී හිටපු ජනාධිපති මහින්ද රාජපක්ෂ මහතාට සහාය නොදෙනු ඇතැයි තමන් දැඩි සේ විශ්වාස කරන බව හරීන් ප්රනාන්දු මහතා අදාළ මුල් ප‍්‍රකාශයෙන් කියා සිටියේය.
එම විශ්වාසය පළුදු වුවහොත් තමන් දේශපාලනයෙන් විශ්රාම ගන්නවා සේම ඡන්දය ලබාදීමෙන් පවා වළකින්න ලෙස ඡන්ද දායකයින්ගෙන් ඉල්ලා සිටින බව එහිදී ඔහු වැඩිදුරටත් සදහන් කළේය.
නමුත් තමා විසින් මුලින් සිදු කළ මෙම ප‍්‍රකාශය දැන් වෙනස් කිරීමට හේතුව මන්දැයි යන්නට හරීන් ප්රනාන්දු මහතා ඊයේ (12) හේතු දක්වමින් කියා සිටියේ තමන් දේශපාලනයෙන් විශ්රාම ගත හොත් එහි වාසිය හිමිවන්නේද ප‍්‍රතිපක්ෂයට බවයි.ඒ නිසා දේශපාලනයෙන් විශ්රාම ගැනීමට ගත් තීරණය තාවකාලිකව කල් දමන බව පැවසුවේය.
"මම මැතිවරණයට තරග කරනවා. මම වැනි එක් පුද්ගලයෙක් නැගිටලා ගියා කියලා මේ ක්‍රමය සුද්ධ වෙන්නේ නෑ. පිස්සෝ කලබල වුණාට දොස්තර කළබල නෑ කියලයි කියන්න ඕන. ලොකු පිරිසකට මා දේශපාලනයෙන් සමුගන්නවද නැත්ද කියලා බොහෝ දෙනෙකුට බලාගන්න ඕන වෙලා තියෙනවා. දේශපාලනයෙන් සමුගන්නවද නැත්ද කියලා තීරණය ගන්නේ මැතිවරණයෙන් පස්සේ. මම දේශපාලනයෙන් ඉවත්වුණොත් වාසිය හොර නඩේටමයි"
මෙවර මහ මැතිවරණයේදී තමන් එක්සත් ජාතික පක්ෂයෙන් තරග කරන බවද හරීන් ප්රනාන්දු මහතා කියා වැඩිදුරටත් පවසා සිටියේය. කෙසේ වූවත් හරීන් ප්රනාන්දු මහතා මේ මොහොතේ දේශපාලනයෙන් ඉවත්වීමට කිසිසේත් ඉඩලබා නොදීය යුතු බව බොහෝ හිතවාදීන්ගේ මතයද වූයේය.
