මෙම කාර්යය සඳහා කම්කරුවන් එක්දහස් නවසීයක් බඳවා ගෙන ඇත.
මැතිවරණ නීති කඩ කරන අවස්ථා වීඩියෝ ගත කර පොලිසියට ලබා දෙන ලෙසද පොලිසිය මහජනතාවගෙන් ඉල්ලීමක් ද කරයි.
නාම යෝජනා ලබා දුන් දිනයේ දී නීති විරෝධී පෙළපාලි ගිය කණ්ඩායම් පිළිබඳව විමර්ශනය කර නඩු පැවරීමට කටයුතු කරමින් සිටින බව පොලිස් මාධ්‍ය ප්‍රකාශකවරයා කියා සිටියේය.
මැතිවරණ නීති වලට අනුව අපේක්‍ෂකයෙකු ගෙන් ගෙට ගොස් ඡන්දය ඉල්ලා සිටීම ද නීති විරෝධී කටයුත්තක් බව ඔහු අවධාරණය කරයි.
ජනතා මුදල් කොල්ලකා මැතිවරණ ප්‍රචාරණයන් සිදු කළ පිරිසගේ කැරැට්ටුව හෙළිදරව්වී ඇති සමයක නීති උල්ලංඝනය කරමින් දේශපාලනඥයින් ප්‍රදර්ශනය කරන කටවුට් සහ පෝස්ටර් බැනර් ආදිය ඉවත් කිරීම සදහා ජනතා මුදල් කෝටි හතකට අධික ප්‍රමාණයක් වැය කිරීමට සිදුවීම අපරාධයකි. එනිසා අනවශ්‍ය අයුරින් පෝස්ටර් කටවුට් ප්‍රදර්ශනය කර ජනතා මුදල් නාස්තියට වගකිව යුතු පිරිසද වගකීමක් රහිත පිරිසක්මය.ඔවුන්ගෙන් ඉදිරියේදීද ජනතාවට බලාපොරොත්තුවිය හැකි සහනයක් නොවෙනු ඇත. මේ නිසා ජනතාව මේ පිරිස ගැනද වගබලා ගත යුතුමය.
