එක්‌සත් ජනතා නිදහස්‌ සන්ධානයේ නාමයෝජනා සැකසීම සම්බන්ධව වැඩිදුරටත් කරුණු දැක්‌වූ අතාවුද සෙනෙවිරත්න මහතා මෙසේද කීය. මම නායකත්වය දරන කෑගල්ල දිස්‌ත්‍රික්‌කයේ සන්ධාන ලැයිස්‌තුවටත් දූෂණ සහ වංචා චෝදනා එල්ලවී ඇති පුද්ගලයන් දෙදෙනකු ඇතුළත් කර තිබෙනවා.
සන්ධාන නාම යෝජනා සකස්‌ කිරීමේ කටයුතුවලට තමන් කිසිම බලපෑමක්‌ එල්ල නොකළ බව ජනාධිපති මෛත්‍රීපාල සිරිසේන මහතා සඳහන් කර තිබෙනවා. එසේ නම් දූෂිතයන් නාම යෝජනා ලැයිස්‌තුවලට ඇතුළත් කළේ කවුද? ඒ සඳහා බලපෑම් කළේ කවුද කියා සන්ධාන ලේකම්වරයා හෙළි කළ යුතුයි.
හොරුන් සහ දූෂිතයන් සන්ධාන නාමයෝජනා ලැයිස්‌තුවලට රිංගා ගෙන සිටීම නිසා ප්‍රතිපත්තිමය දේශපාලනයක්‌ කරන තමන්ට ජනතාව ඉදිරියට ගොස්‌ ඡන්දයක්‌ ඉල්ලීමට බැරි තත්ත්වයක්‌ උදාවී තිබෙන බවද හෙතෙම වැඩිදුරටත් පැවසීය.
divaina
