මෙම මධුවිත සාදයට කොළඹ දිස්ත්‍රික් අපේක්ෂක අධිකරණ ඇමැති විජයදාස රාජපක්ෂ මහතා, හිටපු එජාප පාර්ලිමේන්තු මන්ත්‍රීවරුන් වන නිමල් ආර්. පීරිස් , ප්‍රේමරත්න ගුණසේකර හා පළාත් සභ මන්ත්‍රී රොඩ්නි ප්‍රෙෂර් යන මහත්වරුන් ඇතුළු පිරිසක් සහභාගී වී සිටියහ.
මෙහිදී කතා භට ලක්වූ ප්‍රධාන කරුණ වූයේ විදුලිබල ඇමැති චම්පික රනවක මහතා එජාප ලැයිතුවෙන් ඉදිරිපත්ව සිටීම එජාප අපේක්ෂකයන්ගේ මනාප කෙරෙහි දැඩිව බලපානු ඇති බවය. විශේෂයෙන්ම මහරගම ආසන සංවිධායක ලෙස කටයුතු කරන විජයදාස රාජපක්ෂ මහතාගේ ඡන්ද පදනමට චම්පික අභියෝගයක් වනු ඇති බව ඔහුට සෙසු පිරිස විසින් පෙන්වා දී ඇත.
චම්පික රණවක මහතාට ස්ථිර වශයෙන් ඡන්ද විසිදහසකට වැඩි පදනමක් තිබෙන බවත් ඔහුට එජාපයෙන් තවත් ඡන්ද 30,000ක් එකතු කර ගතහැකි වුවහොත් පහසුවෙන් පාර්ලිමේන්තුවට පත් විය හැකි බවත් මෙහිදී සාකච්ඡා වී තිබේ. රණවක මහතා ට ඡන්ද තිබෙන්නේ මහරගම හෝමාගම කැස්බෑව ආදී සිංහල බෞද්ධ මධ්‍යම පාංතිකයන් බහුලව සිටින ප්‍රදේශවල නිසා ඒම ප්‍රදේශ මත පදනම් ව සිටින විජයදාස රාජපක්ෂ මහතාට මනාප පිළිබඳ ප්‍රශ්නය ඇති විය හැකි බව මෙම සාකච්ඡවට හවුල් වූවන් පෙන්වා දී තිබේ.
එමෙන්ම මෙවර එජාප ජාතික ලැයිස්තුව තුලද චම්පික රණවකගේ පාර්ශ්වයේ නියෝජනය කරන අතුරලියේ රතන හිමි හා ඕමල්පේ සොභිත හිමිද සිටින අතර එම පක්ෂ අතර තිබෙන එකඟතා අනුව මැතිවරණයේදී ලබන මනාප ඡන්ද වල ඉහළ ප්‍රතිශතවලට සාපෙක්ෂව එම ජාතික ලැයිස්තු මන්ත්‍රීධූර බෙදා හැරෙනු ඇත. ඒ අනුව චම්පික රනවක මහතාගේ පාර්ශ්වය නියෝජනය කරන 11 දෙනා වැඩි මනාප සංඛ්‍යාවන් ලැබුව හොත් ජාතික ලැයිස්තු මන්ත්‍රීධුර 2ක් ම ඔවුන් වෙත ලබා දීමට සිදුවනු ඇති බවත් එම තත්වය වලක්වාලීමට එම පාර්ශ්වයට ඡන්ද ලැබිම අවම කිරීම සිදු කළයුතු බවත් මෙහිදී සාකච්ඡාවට ගෙන තිබේ.
මේ අනුව මහරගම හෝමාගම කැස්බෑව හා අවිස්සාවේල යන ආසන වල එජාපය සිංහල බෞද්ධ ජනයා ඉලක්ක කර ගත් විශෙෂ මැතිවරණ ප්‍රචාරක කටයුත්තක් කර එම ඡන්ද එජාප අපේක්ෂකයන් වෙත ලබා ගැනීම සිදු කළයුතු බවට මෙම කණ්ඩායම තීන්දු කර තිබේ.
