ශ්‍රීලනිපයේ සභාපති ලෙස සිටින ජනාධිපති මෛත්‍රීපාල සිරිසේන මහතා පසුගියදා සිදුකරන ලද ප්‍රකාශයට විරෝධය පාමින් තමන් නියෝජ්‍ය අමාත්‍ය පදවිවලින් ඉල්ලා අස්වූ බව සුදර්ශනී ප්රනාන්දුපුල්ලේ මහත්මිය පවසා සිටියේය.
ජනාධිපතිවරයා ශ්‍රීලනිප නායකත්වය දරමින් එළඹෙන මහමැතිවරණයේදී නිර්පාක්ෂිව සිටින බවට ප්‍රසිද්ධියේ ප්‍රකාශ කිරීමෙන් හා සන්ධානය මහමැතිවරණයෙන් පරාජය වන බවට ඉඟි කිරීම ශ්‍රීලනිප ප්‍රමුඛ සන්ධානයේ මැතිවරණ ව්‍යාපාරයට බලවත් හානියක් බව ඇය සඳහන් කළාය.
ඒ අනුව තමන් ඇතුළු ලසන්ත අලගියවන්න,එරික් වීරවර්ධන යන අයත් ඉල්ලා අස්වීමේ ලිපි ජනාධිපතිවරයාට යොමු කළ බවත්, ඒවා බාර නොගත් බවට දැනුම්දීමක් කර නොමැති බවත්, එබැවින් තම ඉල්ලා අස්වීම නීත්‍යනුකූලව සිදුව ඇති බවත් ප්රනාන්දුපුල්ලේ මිය අවධාරණය කළාය.
එරික් වීරවර්ධන මහතා කටයුතු කළේ වරාය හා නාවික නියෝජ්‍ය අමාත්‍යවරයා ලෙසයි. ලසන්ත අලගියවන්න මහතා ග‍්‍රාමීය ආර්ථික කටයුතු පිළිබඳ නියෝජ්‍ය අමාත්‍යවරයා ලෙසත්, සුදර්ශනී ප්රනාන්දුපුල්ලේ මහත්මිය උසස් අධ්‍යාපන හා පර්යේෂණ නියෝජ්‍ය අමාත්‍යවරිය ලෙසත් කටයුතු කළාය.
