එහෙත් මහින්ද රාජපක්ෂ විසින් 2007 දී බැසිල් රාජපක්ෂව පාර්ලිමේන්තුවට ගෙන ආවේ කෙසේ දැයි අමතක වී තිබේ. 2004 පාර්ලිමේන්තු මහ මැතිවරණයේදි බැසිල් රාජපක්ෂ ජාතික ලැයිස්තුවේ තබා මෙරටවත් සිටියේ නැත. එම වසරේ පැවැති ජනාධිපතිවරණයට ලංකාවට පැමිණි බැසිල්ට පාර්ලිමේන්තු වරම් ලැබුණේ ජාතික ලැයිස්තු මන්ත්‍රීවරයකු වූ අන්වර් ඉස්මයිල් මහතාගේ මරණයෙන් පසුවය.
මේ ආකරයටම ගොඨාභය රාජපක්ෂටද මන්ත්‍රීධුරයක් ලබා ගැනීමට උත්සහ කළද ඒ වෙනුවෙන් මන්ත්‍රීවරයකු ඉල්ලා අස්වූයේ නැත.
එමෙන්ම සමස්ත ලංකා මුස්ලිම් කොංග්‍රසයේ හිටපු නැගෙනහිර පළාත් සභා මන්ත්‍රී අමීර් අලී, සන්ධානයේ ජාතික ලැයිස්තු මන්ත්‍රීවරයෙකු ලෙස 2014 වසරේදී දිවුරුම් දුන්නේ සන්ධාන ජාතික ලැයිස්තුවේ නම තිබියදී නොවේ.එක්සත් ජනතා නිදහස් සන්ධානයේ ජාතික ලැයිස්තු හිටපු මන්ත්‍රී ඒ.එච්.එම්. අස්වර් මහතා පාර්ලිමේන්තුවෙන් ඉල්ලා අස්වීම හේතුවෙන් අලිට මෙම අවස්ථාව හිමිවිය.
මෙලෙස ලැයිස්තුවෙන් මන්ත්‍රීවරයකු නම් කිරීමට අවශ්‍යවන්නේ පක්ෂයේ ලේකම්ගේ අත්සන පමණි. ඉහත මන්ත්‍රීධුර වෙනුවෙන්ද අත්සන් කළේ සුසිල් බව ඔහුට අමතක වී ද නැති නම් මේ තක්කඩි සැලසුම හෙළි වීම නිසා අමතක කළාදැයි අපි නොදනිමු.
