මීට අමතරව කටුනායක ප්‍රදේශයෙන්, කොළඹ මාලිගාවත්ත ප්‍රදේශයෙන් සහ වව්නියාව ප්‍රදේශයෙන් පුද්ගලයන් කිහිපදෙනෙක් නීතිවිරෝධී ප්‍රචාරක කටයුතු සම්බන්ධයෙන් අත්අඩංගුවට ගෙන තිබේ.
නීතිවිරෝධී ප්‍රචාරක කටයුතු සිදුකිරීමට හැරෙන්නට වෙනත් කිසිදු බරපතල ප්‍රචණ්ඩ ක්‍රියා කිසිවක් වාර්තා වී නොමැත.
මේ වනවිට දිවයිනේ බොහෝ දිස්ත්‍රික්කවල දහවල් 11 පමණ වනවිට සියයට 40 කට වඩා ඡන්දය ප්‍රකාශකොට ඇති බව වාර්තා වේ. විශේෂයෙන් අනුරාධපුර දිස්ත්‍රික්කයේ උදෑසන පටන් ඡන්දමධ්‍යස්ථානවල විශාල තදබදයක් පැවති බවත් ඡන්දදායකයන් ඉතා උනන්දුවෙන් ඡන්ද මධ්‍යස්ථාන කරා පැමිණි බවත් වාර්තා වේ.
