ජනාධිපති මාධ්‍ය අංශයේ ප්‍රධානී, ජ්‍යෙෂ්ඨ මාධ්‍ය අධ්‍යක්ෂක ධර්ම ශ්‍රී බණ්ඩාර ඒකනායක මහතාට අයත් පොල්පිතිගම ප්‍රදේශයේ පිහිට ඔහුගේ මහගෙදර මෙසේ පොලිස් පරීක්ෂාවට ලක්ව තිබේ.

එක්සත් ජනතා නිදහස් සන්ධාන කුරුණෑගල දිස්ත්‍රික් අපේක්ෂක ටී.බී. ඒකනායක විසින් පොලීසියට සිදුකළ පැමිණිල්ලක් මත මෙම පරීක්ෂාව සිදුකර තිබේ. අදාල පැමිණිල්ලේ සඳහන්ව ඇත්තේ අද පැවති මැතිවරණයට අදාල නිළ ඡන්ද පත්‍රිකා තොගයක් සහ ඡන්ද පෙට්ටි ධර්ම ශ්‍රී ඒකනායක මහතාගේ නිවසේ සඟවා ඇති බවටයි. පොල්පිතිගම පොලීසියට සිදුකර ඇති පැමිණිල්ලට අනුව පොලීසිය අදාල නිවස පරීක්ෂා කොට ඇති අතර ඡන්ද පත්‍රිකා හෝ එවැනි කිසිවක් සොයාගැනීමට පොලීසිය අපොහොසත් වී තිබේ.

පොල්පිතිගම පොලීසියේ ස්ථානාධිපතිවරයා ටීබීගේ ඥාතියෙකු වන අතර එම ඥාතීත්වය හේතුවෙන් අදාල අසත්‍ය පැමිණිල්ල මත ධර්ම ශ්‍රී මහතාගේ නිවස පරීක්ෂාවට ලක්කර තිබේ.

දැඩි මහින්ද හිතවාදියකු වන බැවින් ජනාධිපතිවරයා අපහසුතාවයට පත්කිරීමේ අරමුණින් මෙවැනි අසත්‍ය පැමිණිල්ලක් පොලීසියට සිදුකර තිබේ. මෙම ටී.බී. ඒකනායක යනු කුප්‍රකට ජිනා මැඩම්ගේ තිප්පොලේ ප්‍රධාන ගනුදෙනුකරුවකු වන අතර ජිනා මැඩම් නීතියට හසුවීමෙන් පසු ඇය ගලවාගැනීම වෙනුවෙන් මහත් වෙහෙසක් ගත් පුද්ගලයෙකි.