එහෙත් ඔවුන් දෙදෙනාම පාර්ලිමේන්තු මන්ත්‍රීවරු ලෙස දිවුරුම් නොදෙනු ඇති බව දේශපාලන ආරංචි මාර්ග පවසයි. රාජපක්ෂ මහතාට පසුපෙළ මන්ත්‍රීවරයකු ලෙස කටයුතු කිරීමට සිදු වීම ඒ මහතාගේ දේශපාලන පෞර්ෂය කෙරෙහි බලපෑමක් සිදු වීම නිසා මෙම තීරණය ගනු ඇතැයි එම පවුලේ ආරංචි මාර්ග පවසයි. එසේම දයාසිරි ජයසේකර මහතා වයඹ මහ ඇමැතිධුරයෙන් ඉවත්ව පාර්ලිමේන්තු පැමිණෙන්නේ ඉදිරියේ බිහි වීමට නියමිත ජාතික ආණ්ඩුවේ වගකිවයුතු ඇමැති තනතුරක් ලැබේ නම් පමණක් බව ඔහුට සමීප ආරංචි මාර්ග පවසයි.
මේ අතර ජයසේකර මහතාගේ දේශපාලන ප්‍රතිවාදියාවන එක්සත් ජාතික පක්ෂයේ අකිල විරාජ්, මනාප 286355 ක් ලබා ඇත. ඔහු මැතිවරණයට පෙර පැවැසූවේ ජයසේකර මහතාට වඩා මනාප ලබා ගන්නා බවය.
