කෙසේ නමුත් ලක්තිලක, ටිරාන් අලස්ගේ සමිපතම හිතවතකු වන අතර රනිල් වික්‍රමසිංහව පන්නා එජාපයේ නායකත්වයවයට සජිත් ප්‍රේමදාස නැමැති දේශපාලන ගොබ්බයා පත්කර ගැනීම වෙනුවෙන් දිවි පරදුවට තැබූවෙකි. මේ වන විටත් ඒ වෙනුවෙන් කුමන්ත්‍රණය කරමින් සිටින්නේකි. ඔහු සිරස හිමිකරු කිලී මහරජාගේද සමීපතම හිතවතකි. සන්ධාන ජාතික ලැයිස්තුව සඳහා මහින්ද රාජපක්ෂ විසින් යෝජනා කළ එකම පුද්ගලයා වන්නේද ටිරාන්ය.
කෙසේ නමුත් ටිරාන් අලස් මහතා පසුගිය රාජපක්ෂ පාලන සමයේදී රාඩා ආයතනයට ලැබුණු සුනාමී ආපදා ආධාර මුදල් කෝටි ගනනක් ගසා කෑම සම්බන්ධ චෝදනාවකට නම ගෑවී සිටී. එම චෝදනාවෙන් ටිරාන් බේරා ගැනීම සඳහාද ශිරාල් ලක්තිලක විශේෂ මහන්සියක් දැරූ බව ජනාධිපති කාර්යාලයේ ප්‍රසිද්ධ රහසකි.
එමෙන්ම ටිරාන් අලස් රාජපක්ෂවරුන්ගේ දේශපාලන ගේම් වෙනුවෙන් අත දිග හැර අනුග්‍රහය දැක්වූ බව ද ප්‍රසිද්ධ කතාවකි. 2005 වසරේදීත් එල්ටීටීඊ සංවිධානයට මුදල් ලබා දී ජනාධිපතිවරණය ජයග්‍රහණය කිරීම සඳහා එල්ටීටීඊය ලවා උතුරේ ඡන්දය වර්ජනය කරවීම කුමන්ත්‍රණයද ටිරාන් අලස්ගේ මැදිහත් වීම මත සිදු කළ එකක් බව ඔහු විසින්ම පසුව හෙළි කරන ලදී. වත්මන් ජනාධිපතිවරයාව ජනාධිපතිවරණයේදී පරාජය කීම සඳහාත් පසුව ඔහුව අපහසුතාවයට පත් කිරීම සඳහාත් ටිරාන් තමන්ගේ 'මව්බිම' මඩ පුවත්පත යොදා ගත්තේය.
මේසා චෝදනා ලැබ තිබෙන ටිරාන් අලස්ට සන්ධානයෙන් ජාතික ලැයිස්තු මන්ත්‍රීධුරයක් ලබා දීම සඳහා ශිරාල් ලක්තිලක මහතා වෙහෙසෙන්නේ කුමකටද යන්න රහසක්ව තිබේ. පසුගිය වසර පහේදී පාර්ලිමේන්තු මන්ත්‍රීවරයකු ලෙස කටයුතු කළ ටිරාන් අලස් මහතා පාර්ලිමේන්තුව තුල කතා කරනු ලැබුවේ එකම එක අවස්ථාවක් පමණය. ඒද රනිල් වික්‍රමසිංහ මහතාට මඩක් ගැසීම වෙනුවෙන් පමණි. එහෙත් ඊට පහුවදා රනිල් වික්‍රසිංහ මහතාගෙන් ලැබුණු කණ කිස්කන පිළිතුරෙන් පසුව කිසි දිනෙක පාර්ලිමේන්තුවේදී වැරදීමකින් හෝ වචනයක් කතා කර නොමැත.
ශිරාල් ලක්තිකල වැනි ලෝකෙටම එකයි වර්ගයේ දේශපාලන න්‍යාචාර්යවරයකු මහජන නියෝජිතයකු ලෙස සත පහකට වැඩක් නැති ටිරාන් අලස් වැන්නකු පත් කරන ලෙස ජනාධිපතිවරයාට බලපෑම කරන්නේ අපි නොදන්නා වෙනත් රහස් හේතුවක් නිසා බව පැහැදිලිය.
