ශ්රී ලංකා නිදහස් පක්ෂය 'ජාතික ආණ්ඩුව'ක් සඳහා කැමැත්ත පළ කළද එක්සත් ජනතා නිදහස් සන්ධානයේ සෙසු පක්ෂ ඊට කැමැත්තේ පළ කර නැත. මේ වන විට ශ්‍රි ලනීප නොවන සෙසු පක්ෂ නියෝජනය කරන මන්ත්රීවරු 11 දෙනෙකු පාර්ලිමේන්තුව නියොජනය කරයි. වීරවංශ මහතාගේ නියෝජිතයන් 5 ක් දිනේෂ් ගුණවර්ධනගේ නියෝජිතයන් 3 ක්, උදය ගම්මන්පිල මේ සඳහා එක්වී සිටින අතර දෙමල ජාතික සන්ධානය ලබා ගෙන තිබෙන මන්ත්‍රී ධුර 16 ඉක්මවා යැම සඳහ අවශ්‍ය මන්ත්‍රී ධුර ප්‍රමාණය, ශ්රී ලනිපයේ මන්ත්රීවරු කිහිප දෙනෙකුගෙන් පුරවා ගැනීමට අපෙක්ෂකරයි. මේවන විටත් කුමාර වෙල්ගම, රංජිත් සොය්සා, එස් එම් චන්ද්‍රසේන, පවිත්‍රා වන්නිආරච්චි 'ජාතික ආණ්ඩුව'ට විරුද්ධ මතයක් සිටී.
එමෙන්ම මෙම කුමන්ත්‍රණය සඳහා මහින්ද රාජපක්ෂගේද සහය හිමිව ඇත. ඔහු බලා පොරොත්තු වන්නේ යම් තීරණාත්මක අවස්ථාවකදී ශ්රී ලනීපයේ මන්ත්‍රීවරුන් සමඟ විපක්ෂයට යෑමය. ඒවෙනුවෙන් විපක්ෂය තමාට හිතවත් නායකයකු යටතේ පවත්වාගෙන යෑම ඔහුගේ සලසුම වී ඇත.
ඊයේ (21) දින පොලිස් මූල්‍ය අපරාධ කොට්ඨාසයට ප‍්‍රකාශයක් ලබාදීමට පැමිණි අවස්ථාවේදී මාධ්‍යවේදියකු නැගූ ප‍්‍රශ්නයකට පිළිතුරු දෙමින් විමල් වීරවංශ මහතා විපක්ෂ නායක ධුරය දෙමළ සන්ධානයට යෑම වලක්වන බවට ඉඟියක් සැපයීය
එහිදී දෙමල ජාතික සන්ධානයේ නායක ආර් සම්බන්ධන් මහතාට පාර්ලිමේන්තුවේ විපක්ෂ නායක ධුරය ලබාදීම බරපතල පාවාදීමක් බවත්, එහෙයින් ඊට කිසිඳු ඉඩක් නොතබන බවත් ජාතික නිදහස් පෙරමුණේ නායක විමල් විරවංශ මහතා අවධාරණය කර සිටියි.
ජාතික ආණ්ඩු සංකල්පයට එකඟ නොමැති ශ්රී ලංකා නිදහස් පක්ෂ මන්ත්‍රීවරුන් සමග එක්වී විපක්‍ෂයේ සැබෑ භූමිකාව ඉටු කිරීමට ජාතික නිදහස් පෙරමුණ සුදානම් බවත් ඔහු කියා සිටියි.
.
එහිදී වැඩිදුරටත් අදහස් දැක්වූ විමල් වීරවංශ මහතා මෙසේද පැවසීය.
'' ශ්රී ලංකා නිදහස් පක්ෂය ජාතික ආණ්ඩුවකට ගැට ගහපුවාම අත්වන ප‍්‍රතිඵලය තමයි ආසන 16ක් හිමි දෙමළ ජාතික සන්ධානයේ ආර්. සම්බන්ධන් විපක්‍ෂනායකවරයා බවට පත්වීම. ජිනීවා මානව හිමිකම් කවුන්සිලයේ වාර්තාව සැප්තැම්බර් අග නිකුත් වෙනවා. ඒ වාර්තාව ලැබෙන අවස්ථාවේ ආර්. සම්බන්ධන් මහත්තයා විපක්ෂ නායක පුටුවේ ඉන්නවා කියන්නේ කුමක්ද? ‘ඒ වාර්තාවේ තිබෙන කරුණු සත්‍යයි’ කියන මතය හැදීමට දෙමළ ජාතික සන්ධානයට ලෝකය වටේ යැමට ‘නිල වාහනයක්’ ලබාදීමක්.
ඒ නිසා අපි මේක අනුමත කරන්නේ නැහැ. ශ්රී ලංකා නිදහස් පක්ෂය, එජාපය සමග ගැට ගැසීමේ එක් අරමුණක් තමයි සම්බන්ධන්ට විපක්ෂ නායක ධුරය ලබාදීම. මේක බරපතල පාවාදීමක්. ඒ නිසා අපි කිසිසේත්ම ජාතික ආණ්ඩු සංකල්පයට එකග නැහැ.
ශ්රී ලංකා නිදහස් පක්‍ෂයේ ජාතික ආණ්ඩු සංකල්පයට එකග නැති පාර්ලිමේන්තු මන්ත්රීවරු සමග අපි විපක්‍ෂයේ සැබෑ භූමිකාව ඉටු කරනවා. එයට මහින්ද රාජපක්‍ෂ මැතිතුමන් නායකත්වය ලබා දෙනවා’’
