ඒ අනුව ස්වාධීන රූපවාහිනි සේවයේ සාමාන්අධිකාරී මූර්ති විජේසිංහ, නියොජ්‍ය සාමාන්‍ය අධිකාරීවරුන් වන විපුල රත්නසිරි ( වැඩසටහන්) උපාලි රංජිත් (මුදල්) අද දින සිට ඉවත් කිරීමට පියවර ගෙන ඇති බව වාර්තාවේ. පසුගිය රාජපක්ෂ පාලන සමයේදී එම ආයතනේ දේපල දේශපාලන වුවමනාවන් වෙනුවෙන් යොදා ගැනීම හා මහින්ද රාජපක්ෂ මහතාගේ මැතිවරණ ප්‍රචාරක කටයුතු වෙනුවෙන් නොමිළයේම ලබාදිම ආදී චෝදනා රැසක් ඔවුන්ට එරෙහිව එල්ල වී තිබේ.
එමෙන්ම අධිකරණ අමාත්‍යාංශයේ අතිරේක ලේකම්වරියකද, පොල් පරීක්ෂණ ආයතනයේ අධ්‍යක්ෂවරයෙකුද, ලංකා ධීවර වරාය නීතිගත සංස්ථාවේ සාමාන්‍යාධිකාරිවරයාද, සමුපාකාර තොග වෙළෙඳ සංස්ථාවේ නිලධාරීන් හය දෙනෙකුද, රාජ්‍ය පරිපාලන අමාත්‍යාංශය යටතේ රාජකාරි කරන මහියංගණය ප්‍රාදේශීය ලේකම්වරයාද, එම ආයතනවලින් වහාම ඉවත් කරන ලෙස මෙසේ නියම කොට ඇතැයි වාර්තා වේ.
මෙම නිලධාරීන් මෙම ආයතනවල තවදුරටත් රාජකාරි කිරීම එම ආයතන සම්බන්ධයෙන් සිදුකරන පරීක්ෂණවලට බාධාවක් බවත්, මේ සම්බන්ධයෙන් සාක්ෂි දෙන්නේ එම ආයතනවලම සේවකයන් නිසා ඔවුන්ට බලපෑම් ඇති විය හැකි බවත් පෙන්වා දෙන කොමිසම ඊට පිළියමක් ලෙස මෙම පරීක්ෂණ අවසන් වන තුරු තාවකාලිකව එම නිලධාරීන් ආයතනවලින් ඉවත් කරන ලෙස දැනුම් දී ඇතැයිද සඳහන් වේ.
