එහෙත් රවී කරුණානායක මහතාට ශ්‍රි ලනීප මන්ත්‍රීවරුන්ගේද විශ්වාසය දිනා ගැනිමට පසුගියදා ඔහුට එරෙහිව පැවැති විශ්වාසභංග යොජනාවේ ඡන්ද විමසීමේන් පැහැදිලි විය. මේ අනුව රවී කරුනානායක මහතා තව දුරටත් මුදල් ඇමැති තනතුරෙහි කටයුතු කරනු ඇත. ඔහුට වත්මන් ආණ්ඩුවේ මුදල් ඇමැති ධුරය පිරිනැමීමද ජනාධිපතිවරයාගේ ඉල්ලීමක් මත සිදුව තිබිණි. අගමැතිවරයාට ඉදිරිපත් කළ රවී හෝ අර්ජුන් යන දෙදෙනාගෙන් කෙනෙකු තෝරා ගත යුතු බවට වන යෝජනාවද ජනාධිපතිවරයාගේ යොජනාවක් බවද දැන ගැනීමට තිබේ.
එහෙත් ඔහුට එරෙහිව ඇති චොදනා සාධාරණීය කරනය කිරීමේ ගැටලුවක්ද මේ වන විට පැන නැගී තිබේ. මන්ද එම කිසිදු චෝද්නාවක් මූල්‍ය අක්‍රමිකතාවයක් ලෙස විග්‍රහ කිරීමේ හැකියාව අතිශ්ය සීමා සහිත වීමය. මෙරට මූල්‍ය වෙළඳ පොළේ පවතින නිදහස් තරගකාරිත්වය හා ප්‍රාග්ධන හැකියාව විසින් ඇති කරවනු ලබන තත්වයන් මහ බැංකු අධිපතිවරයා පෞද්ගලිකව වගකිව යුතු බවට අර්ථකතනය කිරීම සිදු කළ නොහැකි බව මුල්‍ය ක්ෂේත්‍රයේ ඇතැම් පිරිස් පෙන්වා දෙති.
කෙසේ නමුත් අර්ජුන් මහෙන්ද්‍රන් මහතා වෙනුවෙන් ආර්ථිකය සම්බන්ධයෙන් එජාපය තුල ප්ර්කට චරිත වන රවී කරුණානායක හර්ෂ දි සිල්වා ඉරාන් වික්‍රමරත්න වැනි අය පවා මේ වන විට පෙනී සිටින්නේ නැත. එය අගමැතිවරයා කෙරෙහි ඇති විරෝධයක් නිසා බවද පැවසේ.
