මේ අයුරින් විදුහල්පතිවරයා අත්අඩංගුවට ගැනීමට කටයුතු යොදා තිබුණේ අදාළ පහර කෑමට ලක්වූ නාලන්ද විදුහලේ ගුරුවරයකු ලෙස සේවය කරන වන සුසන්ත හේරත් මහතා 2016.08.08 දින සීඅයිබී 2/159/84 අංකයෙන් බොරැල්ල පොලීසියට කළ පැමිණිල්ලට අදාලවය.
මෙම ප්‍රහාරය සඳහා සිසුන් මෙහෙයවීම ඉතාම සැලසුම් සහගතව විදුහල්පතිවරයා සිදුකරවුවක් බවට මේ වන විට එම විදුහලේ හපුආරච්චි ගුරුතුමියගේ ඇසින් දුටු සාක්ෂිය තහවුරු කර ඇත. එම සාක්ෂිය ඇතුළුව හේතු කිහිපයක්ම මුල්කර ගනිමින් විදුහල්පතිවරයා මුදා හැරීම නීත්‍යානුකූල නොවන අයුරකින් සිදුවී ඇති බව මේ වන විටත් තහවුරුව ඇති නිසා අධිකරණය වෙත ඉදිරිපත් කිරීමට පොලිසියට සිදුව ඇති බව වාර්තා වන නමුත් තිලංග ඇතුළු වත්මන් ආණ්ඩුවේ දේශපාලන ප්‍රබලයින් කිහිපදෙනෙකු සමඟ ජයසුන්දරට ඇති සමීප සම්බන්ධය නිසා එය මඟ හැරීමේ ප්‍රබල මැදිහත්වීමක් මේ වන විට සිදුවෙමින් ඇත.
මේ අතර විදුහල්පතිවරයාගේ මෙම නීච හැසිරීම ලංකා ගුරු සංගමයද දැඩි පිළිකුලෙන් යුතුව හෙළා දැක ඇත. එසේම මේ සම්බන්ධව පාසල් සිසුන්ගේ දෙමාපියන් මෙන්ම ආදී සිසුන් පෙන්වා දෙන්නේ මේ වන විට නාලන්දාවේ මතුව ඇති තත්ත්වය එහි කීර්ති නාමයට බලවත් හානියක් මෙන්ම සමස්ථ පාසල් පද්ධතියටම වැරදි ආදර්ශ සපයන තත්ත්වයක් බවත් ඒ හේතුවෙන් බලධාරීන් මැදිහත්ව ඊට කඩිනමින් විසඳුම් සැපයිය යුතු බවය.
කෙසේ වුවත් මෙරට ප්‍රසිද්ධ ජාතික පාසලක මතුව ඇති තත්ත්වය පිළිබඳ අධ්‍යාපන බලධාරීන් ඇතුළුව වගකිව යුතු පාර්ශව හැසිරෙන ආකාරය ඉතා සෝචනීය මට්ටමක ඇත. විශේෂයෙන්ම මෙම ජයසුන්දර දුෂණ චෝදනා ලබා ඇති අවස්ථාවේ ඊට අදාළ සාක්ෂි වසන්කරන්නට සහ සාක්ෂි කරුවන් මර්දනය කිරීම සඳහා දිගින් දිගටම යොදාගත්තේ මේ වන විටත් පාසලේ ඉගෙනුම ලබමින් සිටින සිසුන්වය. මේ වන විටත් සමාජ ජාල හරහා විදුහල්පතිවරයාගේ පැටිකිරිය විවේචනය කරන පිරිස් වෙත පිළිතුරු දීම සඳහා විදුහල්පතිධුරයට කිසිසේත්ම නොගැලපෙන අයුරින් ජයසුන්දර පාසල් සිසුන් මෙහෙයවමින් සිටින බවද අප වෙත වාර්තා වී ඇත.
වැඩිදුරටත් අප වෙත වාර්තා වන අන්දමට අදාළ පහර කෑමට ලක්වූ ගුරුවරයා සමඟ ජයසුන්දරගේ වෛරය ඇතිව තිබෙන්නේ එම ගුරුවරයා වත්මන් විදුහල්පතිගෙ දුෂණ අක්‍රමිකතා රැසකට එරෙහිව නැගී සිටි නිසාය. එයද ප්‍රමාණවත් නොවීම නිසා අදාළ ගුරුවරයා විදුහල්පතිගේ දුෂණ අක්‍රමිකතා අල්ලස් කොමිසමට හෙළිකිරීමට මුලිකත්වය ගෙන ඇත.
ඒ වෙනුවෙන් ජයසුන්දර ඔහුගෙන් පළමු පලිය ගන්නේ කිසිඳු වග විභාගයකින් තොරව ඔහුගේ වැඩ තහනම් කිරීමෙන් වන අතර ඒ සඳහා අධ්‍යාපන අමාත්‍යංශයේ සිටින ජයසුන්දරගේ ගජ මිතුරෙකු වන හේමන්ත ප්‍රේමතිලකද සහය දී ඇත.
එසේම පසුගිය ජනාධිපතිවරණය අභිමුව මහින්දගේ මැතිවරණ ව්‍යාපාරයට සහයක් වනු පිණිස 89 වන සංවත්සරය 90 වෙනි සංවත්සරය ලෙස පැවැත්වීමට කටයුතු කිරීම තුලම ජයසුන්දරගේ අසුන්දර පැටිකිරිය තේරුම් ගැනීමට ප්‍රමාණවත්ය. එදා එම අවස්ථාව සංවිධානය කරන්නට ආදී සිසුවකු ලෙසත් නිවාස අසළ පිහිටීම සහ බොරැල්ලේ සංවිධායක ලෙසත් මහින්දගේ කුණු මැතිවරණ ප්‍රචාරය වෙනුවෙන් තිලංගද රෙද්ද පැත්තක තබා කඩේ ගියේය. ඒ මෛත්‍රීපාල සිරිසේන මහතා වෙනුවෙන් නොව එවකට ඒ කවුරුත් කෑ මහින්දගේ ඉඳුල් කෑමේ අවස්ථාව තවදුරටත් තබා ගැනීමටය.
අද තිලංග ජයසුන්දර වෙනුවෙන් මරාගෙන මැරෙන ලෙස මැදිහත් වන කාරණය ඒ අනුව පැහැදිලිය. පසුගිය සමයේ මහින්ද වෙනුවෙන් ජයසුන්දර ලවා සියඹලා ගෙන්වා ගත් නිසා ඊට හිලවු ලෙසය. ඉතින් මේ දෙපිටිකාටු හාදයන් ජනතාව වෙතින් බලය ගත් අය නොවන අතර මෛත්‍රී ජනාධිපතිට පිං සිද්ධ වෙන්න පිං මන්ත්‍රීකම් ලැබුවන්ය. කෙසේ වුවත් මේ වන විට ඒ පිනට මන්ත්‍රීකම් ගත් උදවිය සිය තනතුරේ අභිමානය ගණිකා වෘත්තියේ යොදවා මහින්දට කඩේ ගිය දුෂිතයින් රකිමින් සිටියි. ඒ ද නිකං නොව යහපාලනයේ අනුහසින්ය.
පසුබිම එසේ හෙයින් මේ ලෙස දඩාවතේ යමින් සිටින විදුහල්පතිවරු මෙන්ම පිං මන්ත්‍රීලා නියම තැන තැබීම නාලන්දා විදුහල ඇතුළු සමස්ථ රටේ අධ්‍යාපන සංස්ථාවට පමණක් නොව යහපාලන නායකයින්ටද වැදගත්වනු ඇත.
