දයා නෙත්තසිංහට ප්‍රහාර එල්ල කළ මැරයන් තිදෙනකු නෙලුව පොලිසිය විසින් අත් අඩංගුවට ගත් නමුදු මේවන විට ඔහුන්ව නිදහස් කර හැරීමට පොලීසිය කටයුතු කර තිබේ. මේ මොඩ මැරයන් සමග තමන්ට ගැ‍ටුමක් නැති බව දයා නෙත්තසිංහ පොලිසියට දුන් ප්‍රකාශය පදනම් කරගෙන් ඔවුන්ව නිදහස් කිරීමට පොලීසියේ විරෝධයක් නැති බව මහේස්ත්‍රාත්වරයාට දැනුම් දී තිබේ. මෙම මැරයන් පියසේන ගමගෙ ගේ සමීපතම ගෝල බාලයන් බවත් මේවන විට අනාවරණය වී ඇති අතර පොලිසියද ඊට නොදෙවෙනි බවත් දැන් ගන්නට ලැබී තිබේ.
එමෙන්ම ඊයේ (13)රාත්‍රියේදී පියසේන ගමගේ පසුගිය අගහරුවාදා රැස්වීම පැවැති නාථාරාම විහාරස්ථානයට හා මියනවතුර විහාරස්ථානයට සමාගමේ නියොජිතයන් හා ඔහුගේ මැරයන් සමග ගොස් එම විරාරාධිපතිට තර්ජනය කර තිබේ. ඒ දයා නෙත්තසිංහ විසින් බෞද්ධ භික්ෂූන්ට අපහාස කළ බවට පොලිස් පැමිණිල්ලක් දමන ලෙසය. ඒ මෙම මියනවතුර විහාරස්ථාධිපතිව ද සමගම විසින් මුදලට බිලී බාගෙන ඇති බවට කළ ප්‍රකාශය පදනම් කරගෙනය
මෙම ජල විදුලි බලාගාරය තැනිම සඳහා ගම්වාසින්ගෙන් වන විරෝධය යටපත් කිරීම සඳහා එම සමාගම විසින් මීට පෙර මෙම මියනවතුර විහාරස්ථානට ලක්ෂ 15 ක මුදල් දි තිබෙන බවද හෙලිව තිබිණි. මේ නිසා එම විහාරාධිපති මෙම සටන මඟහැරීම දිගින් දිගටම සිදු කළේය. සමාගම මගින් මුදල් දුන් බව එම විහාර දායක සභාව ද ගම්වාසින්ද දන්නා ප්‍රසිද්ධ කරුණකි.
කෙසේ නමුත් පියසෙන ගේ මැරයන්ට එරෙහිව වන නෛතික කටයුතු වලදී හා පියසේන, ජල විදුලි බලාගාරය වෙනුවෙන් වන වෙහෙසීමට ඕනෑතරමින් මුදල් ගෙවීමට හැකි බව මෙම ජලවිදුලි බලාගාරාය තනන ඊශා හෝල්ඩිංග්ස් සමාගමේ බලධාරියකු ඊයේ දිනයේදි නාථගල විහරස්ථාන භූමියේදීම ප්‍රසිද්ධියේ ප්‍රකාශ කර ඇති බවත් දැන ගැනීමට තිබේ.
