දිනේෂ් වීරවංශ පසුගිය ආණ්ඩු සමයේ, ඩේලි නිව්ස් පුවත් පතේ ක්‍රීඩා මාධ්‍යවේදියෙකු ලෙස කටයුතු කරද ඇති නමුත් ඔහු පුහුණුකරුවකු හෝ ක්‍රීඩා නිළධාරියකු හෝ නොවේ. කෙසේ වෙතත් මාධ්‍යවේදියෙකු, පුහුණුකරුවෙකු ලෙස රියෝ ඔලිම්පික් උළෙලට සහභාගීවී ගැටලුකාරීවන අතර ඔහු ජාතික පුහුණු කරුවකු ලෙස හඳුන්වා මෙම සවාරියට අවශ්‍ය අනුමැතිය ලබා දීම ජාතික ඔලිම්පික් කමි‍ටුව විසින් සිදු කර තිබේ. එමෙන්ම මෙම සවාරියට වීරවංශ එක්ව තිබෙන්නේ පුහුණුකරු ලෙස වන අතර ඔහු පෙර කලෙක teakwon -do සංගමයක ගරු සමාජිකයකු ලෙස කටයුතු කර ඇති නමුත් ඒ සම්බන්ධයෙන් හෝ පුහුනු කරුවකු නොවේ. ශ්‍රීලංකා ක්‍රීඩක ක්‍රීඩිකාවන් අතර මෙම ක්‍රීඩාව නියොජනය කරන්නෙක් ද නැත.
ඔලිම්පික් කමි‍ටු සභාපති හේමසිරි ප්‍රනාන්දු මොහුගේ දීර්ගකාලීන මිතුරකු වන අතර එම හේතුව නිසාම පසුගිය කාලය මුලුල්ලේම රට සවාරී ඔහුට නොවැරදුනි.
කෙසේ නමුත් පසුගිය ජනාධිපතිවරණ සමයේදී මොහු සමාජ ජාලාවල සැරිසරමින් මහින්ද රාජපක්ෂ ගේ ජයග්‍රහණය වෙනුවෙන් සෘජුවම පෙනී සිටි අතර , මෛත්‍රීපාල සිරිසේන පොදු අපේක්ෂකයාට එරෙහිව අවලාද , අසත්‍ය තොරතුරු පැතිරවීමෙහිද යේදී සිටියේය.
මෙම තරගාවලිය සඳහා සහභාගී වූයේ ක්‍රීඩක ක්‍රීඩිකාවන් 9 දෙනෙකු පමණක් වුවද නිළධාරීන් 40 දෙනෙකු සහභාගී වී ඇත. ඒ අතර විවිධ දුෂණ චෝදනා මත ක්‍රීඩා ක්ෂෙත්‍රයේ අපකිර්තියට පත්ව ප්‍රතික්ෂේප වී සිටින පුද්ගලයන් කිහිප දෙනෙකුද සිටී. ඔවුන් සියලු දෙනාම ඇමැති දයාසිරිගේ සමිපතමයන් වීම විශේෂ සිදුවීමකි.කොහොම නමුත් මෙරට ක්‍රීඩාව වෙනුවෙන් මෙලෝ බෝලයක් කර නැති නමුත් ක්‍රීඩා නිළධාරීන් බහුතරයක්ම මෙවැනි විනෝදකාමී රට සවාරී පෙරේතකමෙන් සිටින් ගෙවල පෙරේතයන් බව නොරහසකි. ඇමැති දයාසිරිද මේවාට තකට තකය.
