මේවන විට එම ආයතනයේහි සේවය කරන තවත් කණ්ඩායමක් නුදුරේම මැක්ස් ටීවී ආයතනයේ සේවය සඳහා යමට නියමිත බවත් පැවසේ. මහින්ද රාමනායක මහතාට අයත්ව තිබු මැක්ස් ටීවී ආයතනයේ රූපවාහිනී හා ගුවන් විදුලි බලපත්‍ර මේ වන විට අර්ජුන් ඇලෝසියස් මහතාට අයත් පර්පෙක්චුවල් සමාගම විසින් එකඟතා ගිවිසුමක් අනුව පවරා ගෙන ඇති බව පැවසේ. නව හිමිකාරිත්වය යටතේ එළඹෙන ජුනි මාසයේදී පමණ රූපවාහිනී විකාශය හා ගුවන් විදුලි විකාශය ආරම්බ කිරීමට නියමිත බවත් දැන ගැනීමට තිබේ.
ඊ එපී සමූහ ව්‍යාපාරයට අයත් ස්වර්ණවාහිනී ආයතනය ඇතුලු එම සමාගම් සමූහය මේවන විට දැඩි මුල්‍ය අර්බුදයකට මුහුණ පා තිබෙන අතර මේ වන විට ශ්‍රීලංකා මහ බැංකුවේ අධීක්ෂණය යටතේ පාලනය වෙයි. එම සමාගමේ සභාපති තනතුරට මනෝ තිත්තවැල්ල මහතා පත් කර තිබුනේද මහ බැංකුව මඟිනි.
මෙම සමාගම් සමූහය, ලාෆ් සමාගමේ අධිපති වෑගපිටිය මහතා විසින් මිලදී ගැනීමට පසුගිය දිනවල සූදානමක් තිබිණි.
කෙසේ නමුත් ස්වර්ණවාහිණී ආයතන්යේ කළමණාකරුවන්, වැඩසටහන් නිශ්පාදකයන්, වැඩ සටහන් ඉදිරිපත් කරන්නන් මෙන්ම තාක්ෂණික ශිල්පීන් ගනනාවක්ම ඉවත්ව යාමත් සමඟ උසස්වීම අපෙක්ෂාවෙන් සිටින ඉතිරි සේවකයන් මේ වන විට තනතුරු වෙනුවෙන් පොරකන තත්වයක් ආයතනය තුල ඇතිව තිබෙන බවත් වාර්තාවේ. මේවන විටත් ආයතනයේ කළමනාකාරිත්වය වෙත එක් එක් සේවකයන් ගැන නිර්නාමික පෙත්සම ගනනාවක් යොමුව ඇති බවත් පැවසේ.
