එදාට තමන්ගේ ශ්‍රීලනීප ඇමැති සෙට් එක රනිල් හොරා හොරා කියනු ඇති බව ඔහු සිතුවේය..රාජපක්ෂගේ සෙට් එකයි ජෙවීපී සෙට් එකයි ඒකටම සෙට් වී රනිල් හොරා හොරා කියනු ඇති බවත් ඔහු සිතුවේය.. මේ නිසා බැඳුම්කර විවාදයට බයේ අගමැතිවරයා පැන දුවනු ඇතැයි කල්පනා කළේය. වේදිකාවෙන් පල්ලෙහා හිටපු මිනිස්සු සිතුවේ අගමැතිවරා හොරා නිසා විවාදේ පැවැත්වීමට බිය වනු ඇතැයි කියාය. ඒ මොහොතේදී තමන්ගේ ජනාධිපති ඔවුන්ට වීරයා විය.

ඒත් ඊට පහුවදා අගමැතිවරයා කිසි ගානක් නැතුව කීවේ ඔන්න අපි 08 වෙනිදා විවාදේ දෙනවා කියාය.. ජනාධිපතිගේ සිංහ සෙයියාව අතුරුදන් විය.. ඊට පස්සෙ හෙංචයියන් ටිකක් දමා කෑගැස්සුවේ මැතිවරණ නිශ්ක්‍රීය කාලයක් නිසා ඒ විවාදය පැවත් වූවාට මිනිස්සුන්ට ඒවා දැන ගන්න බැරිවෙන කතාවකි. ඊට පස්සෙ අගමැති ඒ 06 වෙනිදාට දින දුන්නේය..

බැඳුම්කරයෙන් අගමැතිවරයාට හෝ එජාපයට මඩ ගැසීමට හැකි වුණත් තර්කානුකූලව විවේචනයක් ගෙන එමට තරම් කරුණු තිබුනේ නැත . ජනාධිපතිවරයා ඇතුලු අගමැති විරෝධීන් දිගින් දිගටම මඩ ගැසුවා මිස ඇත්ත කාරණය ගැන කිසිවක් කිවේ නැත. මේ නිසා විවාදයෙන් ඇණ ගන්න වෙන බවද ජනාධිපතිවරයා දැන උන්නේය. ඇලොසියස්ව අත් අඩංගුවට ගෙන නඩුවක් පටලවා ඒ විවාදයට ගැනීම වැලැක්වීමට අන්තිම තුරුම්පුව ද ගැසුවේය. එහෙත් පාර්ලිමේන්තු පුර්වාදර්ශයක් පෙන්වමින් නෑ.. විවාදය කළ හැකි බව කතානායකවරයා තීරණය කළේය..

රටම බලාපොරොත්තු වූයේ 06 වෙනිදා පාර්ලිමේන්තුවේ මහ කාල ගොට්ටියකි.. රනිල්ට වචනයක් කතා කරන්න ඉඩ නොදී හොර හොරා කියනු ඇතැයි කියාය. ජනාධිපතිගේ සෙට් එකම වැඩේට බහිනු ඇතැයි කියාය..

අද 06 වෙනිදාය. බැඳුම්කර විවාදයක් කියා එකක් පැවැත් විනි. හැබැයි මන්ත්‍රීවරු 10කට 12කට වඩා හිටියේ නැත. ඒ විවාදයෙන් පලක් නැති බව කලින්ම ඔවුන් තේරුම් ගෙන සිටියා සේය.රාජපක්ෂගේ සෙට් එකටත් ඒ වගේ වගක් නැති විය..ඒ අනිත් කොමිසම් වාර්තාව නිසා විය හැකියි... එජාපයේ රවී කරුණානායකත් එරාන් වික්‍රමරත්නත් සාරගර්භ දීර්ග කතා පවත්වා ඒ පැත්තේ වැඩේ ගොඩ දාගත්තේය. ඊට එරෙහිව හීන් කෙදිරි ගෑම් මිස කිසිවක් ආවේ නැත.

අඩුම තරමින් ශ්‍රීලනිප මන්ත්‍රීවරු 10 ගෙන්වා ගැනීමට ජනාධිපතිවරයාට නොහැකි විය. ඒ තරමට අද ජනාධිපතිවරයා අසරණ විය. පීචන් විය.