එහිදී වත්මන් සම්මුතික ආණ්ඩුවේ ප්‍රතිපත්ති ක්‍රියාත්මක වීම සම්බන්ධයෙන්ද සාක්ච්ඡා කෙරෙනු ඇති බවත් ඊට අමතරව ආරක්ෂක රාජ්‍ය ඇමැති රුවන් විජේවර්ධනගේ ප්‍රධාන්තවයෙන් යුතු කමි‍ටුවකින් එක්සත් ජාතික පක්ෂයේ ප්‍රතිපත්ති හා ප්‍රවර්ධනය සම්බන්ධයෙන් වෙනම සාකච්ඡාවක් පැවැත්වෙමින් තිබෙන බවත් පවසයි.
මේ අතර එජාප පසුපෙළ මන්ත්‍රීවරුන්ගෙන් සැදුම් ලත් කමි‍ටුවක් මඟින් පසුපෙල මන්ත්‍රීවරු මුහුණ දෙන ගැටලු හා ජනතාව වත්මන් රජයත් එජාපයත් සම්බන්ධයෙන් දරන අදහස් ගැන සාකච්චාවක් සිදු කරනු ලබන බවත් මෙම කමි‍ටු තුනෙහි වාර්තා අනුව පක්ෂයේ සහ සම්මුතික ආණ්ඩුවේ ප්‍රතිපත්ති හා වැඩ සටහන් ප්‍රතිසංස්කරණය කරමින් මෙරට ජනතාවට වඩා වැඩි ප්‍රතිලාබ අත්පත් කර දෙමින් පක්ෂයත් ශක්තිමත් කර ගැනීම සිදුවෙනු ඇති බවත් ඔහු අවධාරණය කරයි. 2020මහ මැතිවරණය හා ජනාධිපතිවරණය ඉලක්ක කරගෙන මෙම නව ප්‍රතිසංස්කරණයක් සිදු වන බවත් ඔහු පෙන්වා දෙයි
කෙසේ නමුත් මේවන විට අගමැති රනිල් වික්‍රමසිංහ ට එරෙහිව විශ්වාසභංග යෝජනාවකට ඒකාබද්ධ විපක්ෂ කණ්ඩායම අත්සන් එකතුකරමින් පවතින බවත් ඒ වෙනුවෙන් මෛත්‍රී හිතවාදීන් වන චතුර සේනාරත්න, වසන්ත සේනානායක වැනි මන්ත්‍රීවරු එජාපයේ අත්සන් ලබා ගැනීමට දැඩි වෙහෙසක් ගනිමින් තිබෙන බවත් වාර්තාවේ.
එජාපයේ ආරංචි මාර්ග පවසන්නේ අගමැති රනිල්ට එරෙහිව එජාපයෙන් සහයක් නොලැබෙනු ඇති බවය. ඉදිරි ජයග්‍රහණ අපේක්ෂාවෙන් එජාපයේ නායකත්ව තලයේ සිදු කෙරෙන වෙනස් කම් වඩා සුබදායක අනාගතයක් පක්ෂයට ලබා දෙනු ඇති බවත් එජාපයේ ජෙෂට මන්ත්‍රීවරු විශ්වාසය පළ කරමින් තිබේ.
