සිංහල බෞද්ධ ජාතිවාදය පදනම් කරගත් මහින්දගේ පසුගිය වසර 9 ක පාලන සමය තුලදී මෙරට සුළු ජාතිකයනට සුළු ආගමිකයන්ට පන්න පන්නා පහර ගැසූ අයුරු අමතක කළ යුතු නැත. 2015 ඓතිහාසික පරාජයෙන් පසුවත් මහින්ද ඇතුලු නඩය කටයුතු කළේ මේ වර්ගවාදී ස්ථාවරයේ අඩිය තබා ගෙනය.
කෙහෛාමත් මහින්දගේ මීළග පිම්ම ජාතිවාදයම බවට අමුතුවෙන් සැක කළ යුතු නැත.
මෙරට දෙමළ මුස්ලිම් ජනතාවට නැවතත් තමන්ගේ අනන්‍යතාවය සඟවාගෙන බියෙන් සැකෙන් ජීවත් වීම ගැන සිතන්නට සිදුව තිබේ. 2015 දී මේ කාලකන්නි ජාතිවාදී ඒකාධිපති මිලිටරි පාලනය පෙරළා දැමිම ගැන වැඩියෙන්ම සතු‍ටු වුයේ සිංහල බෞද්ධ නොවන මේ පීඩාවට පත් සහෝදර ජනතාවයි.
සැම පුරවැසියකුටම හිමි නිදහස සහ අයිතිවාසිකම් යහපාලන රජය විසින් නොපිරිහෙලා ඉ‍ටු කළ අතර ඒ සම්බන්ධයෙන් ජාත්‍යන්තර ප්‍රජාවගේද පැසැසුමට ලක් විය.
ජාත්‍යන්තර මාධ්‍ය මහින්දගේ අලුත් ප්‍රවේශයේ භයංකරකම ගැන කතා කරන්නේ යළි මේ රට වර්ගවාදී යුද්ධයක් කරා ඇදී යාමේ බරපතල අනතුරක් පැහැදිලිව දකින්නට ලැබෙන නිසාය.
මේ රටේ ප්‍රජාතන්ත්‍රවාදය, යහපාලන පිහි‍ටු විය යුතු බව විශ්වාස කරන ප්‍රගතිශීලි මිනිසුන් මහින්ද රාජපක්ෂගේ මේ ජාතිවාදී ප්‍රවේශය යළිත් වතාවක් තීරණාත්මක ලෙස පරාජය කිරීමට අසමත් වන්නේ නම් එය තමන්ගේ, තමන්ගේ දරු පරපුරේ යහපත් අනාගතය විනාශ කිරීමට දායක් වීමක් ලෙස කල්පනා කළාට වරදක් නැත.
