මෙම පෙත්සමේ අඩංගු කරුණු කරණා අනුව මැතිවරණ කොමිසමේ සභාපතිවරයා ජනාධිපතිවරයා ගත් නීත්‍යානුකුල නොවන ක්‍රියමාර්ගය ගැන කිසිදු සැලකිල්ලක් නොදක්වා මැතිවරණය පැවැත්වීමට සූදානම් බව මෙහිදි හෙලි කර තිබේ.

එම පෙත්සමෙහි මෙසේ සඳහන් වේ

2018 නොවැම්බර් මස 10 වැනිදා මැතිවරණ කොමිසමේ සාමාජිකයන් සාකච්ඡාවක් සිදු කර තිබේ.

සියලුම සාමාජිතයන්ගේ අදහස වුණේ පාර්ලිමේන්තුව විසුරුවා හැරීම ව්‍යවස්ථාවට පටහැනි මෙන්ම නීති විරෝධී බවයි. නමුත් අදාළ තීරණය නීත්‍යනුකූලද? නැද්ද? යන්න ගැන සෙවීමට වඩා මැතිවරණය පැවැත්වීම සම්බන්ධයෙන් කොමිසම සැළකිළිමත් විය යුතු බව පෙත්සමේ 2 වැනි හා 3 වැනි වගඋත්තරකරුවන් පවසා ඇත.
(2 මහින්ද දේශප්‍රිය -සභාපති /3 එන් ජේ අබේසේකර - කොමිසමේ සාමාජික)

පෙත්සම්කරු සඳහන් කර සිටියේ කොමිසමේ සාමාජිකයන් ලෙස ඔවුන්ට මැතිවරණය සඳහා සූදානම් වීම හැර වෙනත් විකල්පයක් නොවූ බවයි. ඉන්පසුව කොමිසමේ බහුතරය විසින් 4වන වගඋත්තරකරු (4. ඒම් ඒ පී සී පෙරේරා - කොමිසාරිස්) වෙත පාර්ලිමේන්තු මැතිවරණය පැවැත්වීම සම්බන්ධයෙන් වූ බලතල ක්‍රියාත්මක කිරීමේ තීරණයට එළඹී තිබේ.

නමුත් මෙම පෙත්සම්කරු අදාළ තීරණයට විරුද්ධ වූ අතර ඔහු විශ්වාස කරන්නේ පාර්ලිමේන්තුව විසුරුවා හැරීම සඳහා වූ නියෝගය ව්‍යවස්ථා විරෝධී හා නීති විරෝධී බවයි. එම නිසා මැතිවරණ කොමිසම විසින් පාර්ලිමේන්තු මැතිවරණය පැවැත්වීම සිදු නොකළ යුතු බව ඔහු කියා සිටියි.