පසුගිය ඔක්තෝබර් 26 වෙනිදා මහින්ද රාජපක්ෂ හොර අගමැතිවරයා ලෙස දිවුරුම් දීමත් සමඟ රාජපක්ෂගේ බත් බැලයන් ආයතනවලට කඩා පැන නිළධාරීන්ට තර්ජනය කර එලවා දමා ඒවායේ පාලනය අත්පත් කර ගත්තේය. රාජපක්ෂවාදීන් නොවන සියලුම සේවකයන්ට තර්ජනය කරමින් ආයතනයෙන් එලවා දැමීමටද කටයුතු කළේය.විශේෂයෙන්ම අයි ටී එන් හී බලය අල්ලාගත් සුදර්මන් රදලියගොඩ සහ ඔහුගේ ගෝල බාලයන් පසුගිය කාලයේ කටයුතු කළේ අතිශය සාහසික ලෙසය. නිළදාරීනට සහ සේවකයන්ට පහර දීම සේවිකාවන් ලිංගිකමය බලපෑම් කිරීම ඉල්ලීම දිගින් දිගටම සිදුව පැවැතිනි
ලේක්හවුස්, රූපවාහිනි හා ITN යන ආයතනවල පසුගිය 26 වැනිදා පාට් දැමූ ලයිසන් චණ්ඩීන් දැන් පෑල දොරෙන් පැන යමින් සිටියි. ඒ අනුව එම රාජ්‍ය ආයතනවල නව තනතුරු ලබා ගත් සියලු දෙනාට හැකි ඉක්මනින් නිවෙස් බලා යන ලෙස පොහොට්ටුවේ නායකයින් දැනුම් දී ඇති බව වාර්තා වෙයි.
මේ සිදුවීමත් සමඟ ඔවුන් කළ කම් පළ දේ යැයි බියෙන් පසුවන බව විශ්වාස කටයුතු ආරංචි මාර්ග සඳහන් කරයි. මේ අතර නීත්‍යනුකූල පත්වීම් ලබා සිට පොහොට්ටුවේ ලයිසන් චණ්ඩීන් විසින් අත්තනෝමතික ලෙස පන්නා දැමූ සියලු නිළධාරීන් හෙට දිනයේ සිට එම ආයතනවලට පැමිණීමේ සූදානමක්ද පවතින බව එම ආරංචි මාර්ග තවදුරටත් කියා සිටියි.
අගමැති රනිල් වික්‍රමසිංහ ගේ සහ එම ඇමති මණ්ඩලයේ නීතනුකූලභාවය තව දුරටත් තහවුරුව පවතින අතර ඒ අනුව රජයේ කටයුතු සිදුවෙනු ඇති බව පැවසේ.
