මැති ඇමැතිවරුන් අධිකරණයේ වූ සිදුවීම ගැන විස්තර කතා කරමින් සිටින අතර තුර ජනාධිපතිවරයා ඉන් නැගිට ගොස් ඇත. ඒ අනුව එම රැස්වීම අවසන්ව ඇත.
එජාප ආරංචි මාර්ග පවසන්නේ එජපයේ ජේෂ්ඨයකුට පණිවිඩයක් එවා ඇති ජනාධිපතිවරයා කළඹල නොකර ඉන්න යැයි ඉල්ලිමක් කර තිබේ.
අද පාර්ලිමේන්තුව රැස් කිරීමෙන් පසුව අගමැතිවරයා ලෙස රනිල් වික්‍රමසිංහගේ තැන සුරක්ෂිත වීම හැර වෙන කිසිවක් සිදු නොවන බවත් සුපුරුදු පරිදි ආණ්ඩුව කරගෙන යෑමට හැකි වනු ඇතැයි විශ්වාසය රඳවා ගත හැකියයිද එම ආරංචි මාර්ග පවසයි.
ඊයේ රාත්‍රියේදී යළිත් වතාවක් පාර්ලිමෙන්තු සැසිය කල් දැමීමේ ගැසට් නිවේදනයක් ජනාධිපතිවරයා නිකුත් කරනු ඇති බවට සැකයක් මතුව තිබුණත් ඔහු එම අදහස ඉවත් කරගෙන තිබේ. රට තුලත් ජාත්‍යන්තරවත් එල්ල වූ විරෝධය හමුවේ සිරිසේනත් මහින්දත් බරපතල දේශපාලන අවුලක හිරව තිබෙන බවත් දැන් පැහැදිලිය. තව දුරටත් හිතුවක්කාර තීන්දු තීරණ ගැනීමේ හැකියාව ඔවුන් දෙදෙනාටම නොහැකිව තිබේ.
