මහින්ද රාජපක්ෂ ට එරෙහි විශ්වාස භංගයට සහයදුන් පක්ෂ නායකයින් සමග ජනාධිපති ලේකම් කාර්යාලයේ පැවති සාකච්ජාවේදී ජනාධිපති සිරිසේන එම ඉල්ලීම කල බව එම රැස්වීමට සහභාගී වූ පක්ෂ නියෝජිතයෙක් පැවසිය.
මේ අනුව මහින්ද රාජපක්ෂ විශ්වාසභංගයෙන් පරාජය වූ බවත් ඔහු තව දුරටත් අගමැතිවරයා ලෙස භාර ගැනීමට නොහැකි බවත් ජනාධිපතිවරයා පිළිගැනිමට ලක්කර තිබෙන බවත් දැන් ගැනිමට තිබේ.මේ අනුව මහින්ද රාජපක්ෂ මහතා හෙට දිනයේදී බොහෝ දුරට තමන්ගේ පරාජය බාර ගනිමින් ඉල්ලා අස්වීමක් ප්‍රකාශයට පත් කෙරෙණු ඇති බවත් පැවසේ.මෙම සාකච්ඡාවේදි නව ඇමැති මණ්ඩලය නම් කිරීම ගැනත් අදහස් පළ වී ඇති අතර රනිල් වික්‍රමසිංහ සමඟ වැඩ කිරීමට නොහැකි බවත් එම නිසා වෙනත් අයෙකු නම් කරන ලෙස ඉල්ලිමක් කර තිබේ.
මේ සම්බන්ධයෙන් යම් තොරතුරු ප්‍රමාණයක් අප ඊයේ දිනයේදී අප අනාවරණය කළෙමු (කතානායක ලිපියට ජනපති සංශෝධනයක් ඉල්ලයි. ලැජ්ජයිලු...විශ්වාසභංග යෝජනාව පිළිගනියි !)
එක්සත් ජාතික පෙරමුණ, දෙමළ සන්ධානය, මුස්ලිම් කොංග්‍රසය ඇතුළු දේශපාලන පක්ෂ කිහිපයක නායකයින් මෙම රැස්වීමට සහභාගිවී සිටි නමුත් ජනතා විමුක්ති පෙරමුණේ කිසිඳු නියෝජිතයකු ඊට සහභාගිවී නොමැත.
ජනාධිපතිවරයා විසින් මෙම සාකච්ජාව සඳහා කතානායක කරු ජයසුරිය මහතාට ද ආරාධනා කර තිබු අතර ඔහුද ඊට සහභාගී වී සිටියේය.
කෙසේවුවද ජනාධිපතිවරයා සමග පැවති සාකච්ජාවට සහභාගී වූ එජාප මන්ත්‍රී රවී කරුණානායක මහතා මාධ්‍ය වෙත පැවසුයේ, එම සාකච්ඡාව එකඟතාවයකින් යුතුව අවසන් වූ බවයි.
“ මේක ඉක්මනට විසඳන්න ඕන කියලා තමයි ජනපතිවරයා පැවැසුවේ. සුහදව සාකච්ඡාවක් ඇතිවුණා. ඉතාමත් ඉක්මනින්ම ප්‍රශ්නය විසදේවි” යැයි රවී කරුණානායක මහතා වැඩිදුරටත් පැවැසීය.
