බල පෙරේතකමින් මජර තක්කඩි වැඩ කරමින් රටේ බලය පැහැර ගැනීමට උත්සහ කළ සිරා මරා බලුපූ‍ට්ටුව තීරණාත්මක ලෙස පරාජය කිරීමට කතානායකවරයා ගත් පියවර නොවන්නට මේ රට විසාලා මහනුවරක් වීම සිදු විය හැකිව තිබිණි.
පසුගිය ඔක්තෝබර් 26 වන දින සිරිසේන ජනාධිපතිවරයා හිතුවක්කර ලෙස නීති විරෝධි ලෙස මහින්ද රාජපක්ෂව අගමැතිධුරයට නම් කිරීමේ සිට ඔවුන් පසුගිය සති 3 තුලදී දිගින් දිගටම නීති විරෝධී සහ සදාචාර විරෝධී ලෙස කටයුතු කළේය. මෙරට ප්‍රජාතනත්‍රවාදය ගරු කරන පක්ෂ විපක්ෂ බේදයකින් තොර සියලු ජනතාව ඒ අනුමත කළේ නැත . ජාත්‍යන්තර ප්‍රජාවද මේ තක්කඩිකමට එරෙහිව දැඩිව පෙනී සිටියේය. එහෙත් ඒ කිසිවක් මේ බල පෙරේත සිරා මරා කුමන්ත්‍රණකරුවෝ තුට්‍ටුවකට මායිම් කළේ නැත.
මේ තත්වයන් හමුවේ ශ්‍රි ලංකාවේ ආර්ථිකය දැඩි අර්බුධකාරී තත්වයකට ඇද වැටිනි. රාජ්‍ය යන්ත්‍රණයම අකර්මන්‍ය විය. විදේශ තහංචි වැටීමේ තර්ජනය බරපතල විය , විදේශ ආයෝජකයෝ ආපසු හැරී ගියහ. 2019 වසර සඳහා අය වැය යෝජනාවක් නොමැති විය. ඩොලරයේ අගය ඉහළ යෑමේ අර්බුධය තවත් තිව්ර විය, වික්‍රමසිංහ ආණ්ඩුව විසින් රටේ ණය ගෙවීම සඳහා සකස් කර තිබූ සැලසුම මුලුමනින්ම අවුල් විය. විදේශ සංචිත ඩොලරයේ අගය පාලනය සඳහා මුදා හැරීම නිසා මේ ණය අර්බුධය යලිත් බරපතල ගැටලුවක් වී ඇත. එහෙත් ඩොලරයේ අගය පාලනය කර ගැනීමට ද නොහැකි විය. මේ අනුව නුදුරේම උද්ධමය ඉහළ යෑම ආරම්බ වීමත් සමඟ සාමාන්‍ය ජන ජීවිතය ද අවුල් වනු ඇත.
රට මේ බරපතල ව්‍යවසනකාරී තත්වයට ඇද දැමීම ගැන සිරිසේන සහ මහින්ද මුළුමනින්ම වගකිව යුතුය.
අගමැති රනිල් වික්‍රමසිංව එම තනතුරෙන් නෙරපා හැරීම සඳහා පැහැදිලි නිශ්චිත ආර්ථික දේශපාලන හෝ සාමාජීය කරුණක් තිබුණේ නැත. රට ජනතාවගෙන් එලෙස ඉල්ලීමක් උද්ඝෝෂණයක් තිබුණේ නැත. ව්‍යාජව නිර්මාණය කළ ජනාධිපති ඝාතන කුමන්ත්‍රණ චෝදනාවක් මේ වෙනුවෙන්ම නිර්මාණය කරමින් ව්‍යාජ හේතු නිර්මාණය කරමින් රනිල් වික්‍රමසිංහව ඉවත් කරනු ලැබීය. අවසානයට සිරිසේන ජනාධිපතිවරයාට තිබූ හේතුව වුයේ සමනල ගැටලුවකි. තමන්ගේ විශම ලිංගික ආසාවට වෙනස්ව රනිල් වික්‍රමසිංහ ඇතුළු කණ්ඩායමේ ලිංගිකමය සංස්කෘතිය සිරිසේනට දිරවා ගත නොහැකි වීම මෙතරම් දුර දිග ගියා යැයි විශ්වාස කළ නොහැක. මේ සමනල කතාව ආවේ වෙන දෙයක් කරකියාගත නොහැකි නිසාය. මේක සාමාන්‍යයෙන් ගමේ අයියලාට සිදුවන අවුලකි. පෞද්ගලික ලිංගිකමය චෝදනාවක් කර අපහාස කිරීම ඒ ගතියයි. සිරිසේනත් මහින්දත් තමන්ගේ ගොඩේ මජර ගතිය එසේ පෙන්නුවේය.
මේ කවරක් වූවත් මේ මොහොතේදී මේ ගොඩේ මජර චින්තනය පරාජයකර නූතන ශිෂ්ඨත්වය දිනවීමට හැකිවීම රටේ ජයග්‍රණයකි. එහි වැඩි ලකුණු ප්‍රමාණය කතානායක කරූ ජයසුරිය මහතාට නිතැතින්ම හිමිවිය යුතුය.
