මෙරට ආර්ථිකයේ ප්‍රධාන ඉසව්වක් ලෙස සංචරක ව්‍යාපාරය දියුණු කිරීමේ සැලසුමක් පසුගිය දශකයකට වැඩි කාලයක් මුලුල්ලෙ තිබුණු අභියොගයක් විය. එය ජන ගැනිමට හැකි වූයේ 2015 යහපලන රජය බිහි වීමෙන් අනතුරුවය
2018 ලෝන්ලි ප්ලැනට් දර්ශකයට අනුව ලෝකයේ සංචාරය කිරීමට සුදුසුම රටවල් අතරින් ලෝකයේ සියලු රටවල් අභිබවා ප්‍රථම ස්ථානය දිනා ගැනීමට සමත් වූ ශ්‍රීලංකාවේ සංචාරය කිරීම මේ වන විට විදේශිකයන් ප්‍රතික්ෂේප කරමින් තිබේ.
ඉතිහාසයේ කිසිදු දිනක නොවූ විරූ ආකාරයෙන් හිල්ටන්, සිනමන් හෝටල් ජාලය හා ජෙට්වින් හෝටල් ජාලය ඇතුළු මෙරට ප්‍රධාන පෙළේ හෝටල්වල සංචාරකයන් විසින් සිදු කළ වෙන්කිරීම් අවලංගු වී ඇත.සාමාන්‍යයෙන් මෙරට සංචාරය කරන විදේශිකයන්ගේ ප්‍රමාණය මාසයකට ලක්ෂ 2 කට ආසන්න වූවද පසුගිය මාසයක කාලය තුල එම සංඛ්‍යාව තිස් දහස දක්වා අඩු වී ඇති බව හොටල් ආශ්‍රිත ව්‍යාපාරිකයෝ පෙන්වා දෙති.
එසේම කුඩා හා සුළු සංචාරක කර්මාන්තකරුවන් සිය සේවකයන්ට වැටුප් ගෙවා ගත නොහැකිව අර්බුදයට ලක් වී තිබේ. පවතින තත්වය හමුවේ මෙරට බැංකු පද්ධතියට මරු පහරක් එල්ල වී ඇත.
මේ නිසා ශ්‍රී ලංකාවේ සංචාරක කර්මාන්තයට සමස්ත බැංකු පද්ධතිය දී ඇති ණය බොල් ණය බවට පත් වේදෝයි සැකයක් පවතින බව දේශපාලන විශ්ලේෂකයෝ පවසයි.
