සිරිසේන ජනාධිපතිවරයා පසුගිය ඔක්තෝබර් 26 වන දින ව්‍යවස්ථා විරෝධීව මහින්ද රාජපක්ෂ අගමැතිවරයා ලෙස නම් කිරීමේ සිට ක්‍රියාත්මක කළ නීති විරෝධී ක්‍රියා පටිපාටිය නිත්‍යානුකුල බවට යූ ආර් ද සිල්වා මාධ්‍ය ගනනාවක් හමුවේ ප්‍රකාශ නිකුත් කර තිබිණි. නීතිඥ සංගමේ සාමාජිකයන් පෙන්වා දෙන්නෙ සංගමයේ ඒකමතික තීන්දුවක් නොමැතිව එසේ ප්‍රකාශ නිකුත් කිරීමට සභාපතිවරයාට අයිතියක් නැති බවය. මීට පෙර මේ රටේ බරපතල නෛතිකමය ගැටලු මතුවන අවස්ථාවලදී නීතිඥ සංගමය ස්වාධීන ආයතනයක් ලෙස ඒවාට මැදිහත්ව දෙස් විදේ ප්‍රවීණ නීතිවේදීන් ගේ අදහස් මතවාද තර්ක විතර්ක අනුව එක මතයක් ප්‍රකාශයට පත් කිරීම සිදු කර තිබේ. එහෙත් වත්මන් සභාපතිවරයා අපරාධ නීතිය පිළිබඳ දක්ෂ නිතිවේදියෙක් වූවත් ව්‍යවස්ථාමය හෝ පරිපාලනමය නීතිය ගැන ප්‍රමාණිකයකු නොවේ. එසේ තිබියදි තමන් නොදන්නා විෂයක් ගැන තමන්ගේ හිතු මනාපේ මාධ්‍ය හමුවේ නිතිඥ සංගමයේ සභාපතිවරයා ලෙස වැරදි පක්ෂග්‍රාහී මතයක් ප්‍රකාශ කිරීම සංගමයත් මේ රටේ නීතිඥ පුජාවත් හැල්ලුවට අවමානයට ලක් කිරීම මේ සභාපතිවරයා විසින් සිදු කර ඇති බව නීතිඥ සංගම් සාමාජිකයන් පෙන්වා දෙති.
