අද සිකුරාදා සවස 7 ට පැවැත්වෙන ශ්‍රී ලනීප කණ්ඩායම් රැස්වීමේදී ජනාධිපතිවරයා යම් තීරණයක් ප්‍රකාශ කරනු ඇතැයි ද පැවැසේ.
ජනාධිපතිවරයා පසුගිය 09 වනදා පාර්ලිමේන්තුව විසුරුවා හැරීම ප්‍රකාශ කරමින් නිකුත් කළ ගැසට් නිවේදනය නීති විරෝධී බව ප්‍රකාශ කරන ලෙස ඉල්ලා ශ්‍රේෂ්ඨාධිකරණට පෙත්සම් 12ක් බාර දී ඇති අතර එය විභාග කිරීමට තීරණය කර තිබෙන අතර එම තීන්දුව දෙසැම්බර් 07 වන දින ප්‍රකාශයට පත් කිරීමට නියමිතය. එතෙක් එම ගැසට් නිවේදනය ක්‍රියාත්මක කිරීම අත් හි‍ටුවා තිබේ.
ජනාධිපතිවරයා සහ දුමින්ද කණ්ඩායම හා ශ්‍රිලනීප ජේෂ්ඨයන් සමඟ පැවැති සාකච්ඡාවේ දී මහින්ද පාර්ශ්වයට පාර්ලිමේන්තුවේ බහුතරය නැති බව ජනාධිපතිවරයා පිලිගැනීමට සිදුව තිබේ.
මේ නිසා පාර්ලිමේන්තුව විසුරුවා හැරීමේ තීන්දුවක් නොගන්නා බවට ජනාධිපතිවරයා එම කණ්ඩාමයට සහතික කර තිබෙන අතර ඊයේ සවස මාධ්‍ය සාකච්ඡාවකදී එස් බී දිසානායක ජනාධිපතිවරයාගේ මෙම තීන්දුව සම්බන්ධයෙන් අදහස් පළකිරිිමක් සිදුකර තිබිණි.
ශ්‍රී ලංකා නිදහස් පක්ෂය දුර්වල කිරීම සඳහා මහින්ද පාර්ශ්වය වේගයෙන් කටයුතු කරමින් සිටින බව ශ්‍රීලනිප ජේෂ්ඨයන් ගනනාවක් මෙහිදී ජනාධිපතිවරයාට අවධාරණය කර තිබෙ.
මෙහිදී රට බරපතල ආර්ථික අර්බුධයකට ලක්ව තිබෙන බවත් ශ්‍රීලනීපය විනාශ වෙමින් පවතින බවත් මෙම කණ්ඩායම පෙන්වා දී ඇති අතර ශ්‍රීලනීප වෘත්තීය සමිති සාමාජිකයන් සහ ප්‍රාදේශීය සාමාජිකයන් විශාල වශයෙන් පොහොට්‍ටු කණ්ඩායමට බඳවා ගැනීම ගැන මෙහිදි පෙන්වා දි ඇත. මෙම තත්වයන් ජනාධිපතිවරයාට පිලිගැනීමට සිදුව තිබේ.
ආණ්ඩුවක් පිහි‍ටුවීම සඳහා අවශ්‍ය බහුතරය නිර්මාණය කර ගැනිමට නොහැකි වීම ගැන මේ වන විට ජනාධිපතිවරය බරපතල කනස්සල්ලකින් පසුවන බවත් ශ්‍රීලනීප ආරංචි මාර්ග පවසයි.
අද දිනද ඉලෙක්ට්‍රොනික මාධ්‍ය මඟින් සිදු කළ ඡන්ද විමසීමේදී මහින්ද රාජපක්ෂට එරෙහිව ඡන්ද 121 ලැබී තිබුණු අතර මීට පෙර විශ්වාෂභංග යොජනා ජන්ද විමසීමේ දි මහින්ද පාර්ශ්වය දෙවතාවක් පරාජය විය. මන්ත්‍රීවරු 122 දෙනෙකු මහින්ද රාජපක්ෂ අගමැතිවරයා ලෙස නොපිළිගන්නා බවට ලිඛිතව කතානායකවරයාට දැනුම් දීම ද සිදුකර තිබුණත් සිරිසේන මෙය පිළිගත්තේ නැත.
