ලබන බදාදා සහ බ්‍රහස්පතින්දා යන දිනවල මේ සම්බන්ධයෙන් විවාදයක් පැවැත්වෙන අතර සිකුරා දිනයේදි මෙම යෝජනාව සම්මත කිරීමට පාර්ලිමේනතුවේ බහුතරය විමසනු ඇත.
එක්සත් ජාතික පක්ෂ ආරංචි මාර්ග සඳහන් කරන්නේ එම ඡන්ද විමසුම තමන්ට බහුතරය පෙන්වා ජය ගත හැකි බවත් එදිනම අගමැතිවරයා ලෙස රනිල් වික්‍රමසිංහට පාර්ලිමේන්තුවේ 113 කට වැඩි බහුතරයේ කැමැත්ත ඇති බවට දිව්රුම් පෙත්සම් ජනාධිපතිවරයාට ලබා දීමට කටයුතු කරන බවය. පාර්ලිමේන්තුවේ සිට විශාල ජනතාවක් සමඟ ජනාධිපති මන්දිරය දක්වා පෙළපාලියකින් ගොස් ජනාධිපතිවරයාට, රටේ ජනමතයත් පාර්ලිමේන්තුවේ බහුතරයේ මතයත් කුමක්ද යන ගැන පෙන්වා දෙන බවද එජාප ප්‍රකාශකයා පැවසීය. මෙම අවස්ථාවන් ආවරණය කිරීමට විදේශීය ජනමාධ්‍ය ආයතන සියල්ලටම ආරාධනා කර තිබෙන බවත් දැන ගැනීමට තිබේ.
ප්‍රජාතන්ත්‍ර විරෝධි ලෙස ඒකාධිපතිව හැසිරෙන උන්මන්තක පාලකයකු වන මෛත්‍රීපාල සිරිසේන මේ වනවිට රටට අත්පත් කරදි තිබෙන විනාශය ආපසු හැරවීමට නම් ජනතාවගේ පෙළ ගැස්ස අතයවශ්‍ය වී තිබෙන බවත් රටේ නීතියක් රීතියක් නොපිලිගෙන කටයුතු කරන මජර පාලකයන් පලවා හැරීම සඳහා ජනතාව සමඟ පාරට බැස සටන් කිරීමට එජාපයට ඉදිරියේදි සිදුවෙනු ඇති බවත් ඔහු අවධාරණය කරයි
