ජාතිවාදී සහ ආගමික බේදයන් උලුප්පමින් මඩ පොස්ටර් සහ පුවත් ගනනාවක් මේ වන විට ඔවුන්ගේ වෙබ් අඩවි සහ සමාජජාලා පිටුවල බේදා හරිමින් තිබේ. විශේෂයෙන්ම ජනාධිපති මාධ්ය අංශයට අනුයුක්තව සේවය කරන් කිහිප දෙනෙකු විසින් පවත්වාගෙන යන සමාජ ජාලා පිටු මේ වෙනුවෙන් වැඩි වශයෙන් භාවිතයට ගෙන ඇති බව නිරීක්ෂණය කළ හැකිය. මෙම මාධ්ය අංශයේ උපදෙශකයා ලෙස ජනාධිපති උපදේශක ශිරාල් ලක්තිලක කටයුතු කරන බවත් මෑතකදි දීප්ති කුමාර ගුණරත්න නැමැති දාර්ශණිකයාද එයට එක්වී ඇති බවත් එම මාධ්ය අංශයේ හිතවතුන් පවසා සිටී. කෙසේ නමුත් මේ මජර කුප්ප කටයුතු නිසා මේ වන විට එම අංශයේ කටයුතු කළ බහුතරයක් දෙනා සේවයෙන් ඉවත්ව සිටින බවත් වාර්තාවේ.
මේ අතර බැසිල් රාජපක්ෂට හිතවත් කණ්ඩායමක් විසින්ද මෙම මඩ ප්රහාරයන් දියත් කරමින් පවතී. විමල් වීරවංශට අයත් යැයි කියන සී නිව්ස් වෙබ් අඩවිය මඟින්ද දිගින් දිගටම ව්යාජ පුවත් නිර්මාණය කරමින් තිබේ.
පාර්ලිමේන්තුව හමුවේ ව්යවස්ථා කුමන්තරණය පරාජයට පත් වීමෙන් පසුව අධිකරණය හමුවේ විභාග වෙන නඩු දෙකෙන් පරාජයට පත් වීමේ අවධානම නිසා ඔවුන් මෙසේ වියරුවෙන් හැසිරෙන බව පැහැදිලි කාරණාවකි.
