අද (10) අධිකරණය වෙත මෙම පැමිණිල්ල ගොනුකර සිටියේ සිවිල් සමාජ ක්‍රියාකාරිනියක් වන තක්ෂිලා ජයවර්ධනගේ දැනුම්දීම මත සිසිර කුමාර සිරිවර්ධන නීතිඥයා විසින් මෙම පෙත්සම ගොනුකර ඇත. ආණ්ඩුක්‍රම ව්‍යවස්ථාවේ 140 වගන්තිය ප්‍රකාරව මෙම පෙත්සම ඉදිරිපත් කර ඇත

අධිකරණ ආරංචිමාර්ග සඳහන් කරන ලෙස කිසියම් අයෙකුගේ සිහි බුද්ධිය අවුල්වීම මත සිවිල් පුරවැසියන්ට කරදරයක්වීමට හෝ ගෞරවයට හානියක් වීමට අවදානමක් ඇත්නම් ඒ සම්බන්ධව පොලිසියට පැමිණිලි කිරීමට අවස්ථාව ඇත. ඒ අනුව සැකකාර පුද්ගලයා ගැන විමර්ශනයක් කිරීම සඳහා ඒ සම්බන්ධව අධිකරණ බල ප්‍රදේශයේ දිසා විනිසුරුවරයා වෙත දන්වා අවශ්‍ය ක්‍රියාමාර්ග ගැනීමට පොලිසියට හැකියාව තිබේ. එහිදී පොලිස් වාර්තාව සැළකිල්ලට ගෙන අදාළ පුද්ගලයාව අත්අඩංගුවට ගැනීමට හෝ ප්‍රතිකාර, පුනරුත්ථාපනයට යොමුකිරීමට අවශ්‍ය නියෝග නිකුත් කිරීමට විනිසුරුවරයාට හැකියාව ඇත. ඊට අදාළ ප්‍රතිපාදන යොදාගෙන මෙම පෙත්සම ඉදිරිපත් කර තිබේ.

එසේම වැඩිදුරටත් වාර්තා වන ආකාරයට සිරිසේන ජනාධිපතිගේ ලේ ඥාතියකු උමතු රෝගයකට ප්‍රතිකාර ගෙන තිබීම සහ ජනාධිපති සිරිසේනට ද ඒ අනුව නිධන්ගත උමතු රෝගයක් තිබීමේ හැකියාව, ඥාතියාගේ උමතු රෝගය පිළිබඳ ඒ බව චතුරිකා සිරිසේන ලියු බව කියන "ජනාධිපති තාත්තා" කෘතියේ ඇතුළත්ව තිබීම, ග්‍රාමීය සමාජ පසුබිමක් ඇති සිරිසේන ජනාධිපතිට පවතින දේශපාලන අර්බුදය හමුවේ ඊට මුහුණදීමට තරම් මානසික සුවතාවක් ඇතිද යන්න පිළිබඳ සැකය සහ ජනාධිපති සිරිසේනට මානසික රෝගයක් ඇති බවට ජනතාව අතර මතයක් පැවතීම, සිය ළඟම සහ බලපෑම් සහගත තනතුරක් වූ ජනාධිපති කාර්ය මණ්ඩල ප්‍රධානියා අල්ලස් ගනුදෙනුවකදී අත්අඩංගුවට පත්වීම සහ ඒ සඳහා එවකට අගමැති රනිල් වික්‍රමසිංහ මැදිහත්වූ බවට සැක කරමින් ඔහු සම්බන්ධව ඇතිව තිබෙන මානසික අසමතුලිතතාව රටේ දේශපාලන අස්ථාවරත්වයට මුලිකවී ඇති බවත් මෙම පෙත්සමේ අන්තර්ගතයට ඇතුළත්ව ඇත.

සැබැඳි පුවත්

https://www.lankadaily.com/latestnews/item/9978-2018-12-04-08-38-41