ජාතික සමගියට බාධා ඇති කරමින් ප‍්‍රභාකරන් රටේ ගමන වැළැක්වීමට උත්සාහ දැරුවද එය අසාර්ථක වූ බවත්, වර්තමානයේ රාජපක්ෂ ආණ්ඩුව එම අසාර්ථක වැඩපිළිවෙළ හසුරුවන බවත් විපක්ෂ නායක රනිල් වික්‍රමසිංහ මහතා පවසයි.
කරෛනගර් ප්‍රදේශයේ සිසුවියන් දෙදෙනෙකු ලිංගික අතවරයට ලක්වීම පිළිබඳව විනිවිද භාවයෙන් යුතු පරීක්ෂණයක් සිදුවිය යුතු යයි 'ලංකා ගුරු සංගමය' රජයට බලකර සිටියි.
කොළඹ දිස්ත්‍රික්කයේ සිදුවන ළමා අපයෝජනවලින් වාර්තා වන්නේ සියයට විසිපහක් වැනි සුළු සංඛ්‍යාවක් බව ජාතික ළමාරක්ෂක අධිකාරිය පවසයි.
ආයෝජකයන්ට විකිණීම සඳහා කොළඹ නගරයේ ස්ථාන විස්සක ඇති ඉඩම් නාගරික සංවර්ධන අධිකාරියට පවරා ගැනීම සඳහා රාජ්‍ය ආරක්ෂක හා නාගරික සංවර්ධන අමාත්‍යවරයා වශයෙන් ජනාධිපතිවරයා විසින් කැබිනට් මණ්ඩලයට ඉදිරිපත් කළ යෝජනාවට අනුමැතිය හිමිවි ඇති අතර එහි විශේෂත්වය වන්නේ කොළඹ ටොරින්ටන්හි පිහිටි ස්වාධීන රූපවාහිනී සංස්ථාවට අයත් ඉඩම ද පවරා ගැනීමට නියමිත වීමය.
චන්ද්‍රිකා තාක්ෂණය භාවිතර කරමින් පොළව අභ්‍යන්තරයේ ඇති වස්තූන් සොයා ගත හැකි නවීන උපකරණයක් ලබාගැනීමට මේ වනවිට ආතර් සී.ක්ලාක් මධ්‍යස්ථානය සමග පරීක්ෂණයක නිරත වී සිටින බවත්, එමගින් නිදන් කොල්ලය නැවැත්වීමට හැකිවන බවත් ජාතික උරුමයන් පිළිබද අමාත්‍ය ආචාර්ය ජගත් බාලසූරිය මහතා පවසයි.
මීරිගම කණ්ඩලම වලව්වෙන් බේරාගනු ලැබ පන්නිපිටිය දෙව්රම්වෙහෙරේ රඳවා සිටි අලි පැටවා වනජීවී නිලධාරීන් විසින් භාරගෙන උඩවලව ඇත් අතුරු සෙවණට රැගෙන විත් ඇත.
එක්සත් ජාතික පක්ෂයේ මන්ත‍්‍රීවරුන් රාජ්‍ය ආයතන නිරීක්ෂණය කිරීමට යන්නේ ඒවාට යහපතක් කිරීමට නොව හැකි වූ දිනක ඒවා විකුණා දැමීමට සැලසුම් සකස් කිරීමට බව අමාත්‍ය බැසිල් රාජපක්ෂ මහතා පවසයි.
සාමුහික තීන්දුවලට එකඟ වීමට බැරි නම් ආණ්ඩුවෙන් ඉවත් විය හැකි බව ජනාධිපති මහින්ද රාජපක්ෂ මහතා විසින් ඇමතිවරුන් දෙදෙනෙකුට පසුගිය කැබිනට් මණ්ඩල රැස්වීමේදී පැවසු බව අමාත්‍ය විමල් විරවංශ මහතාගේ 'ලංකා සි නිව්ස්' වෙබ් අඩවිය අනාවරණය කරයි.
