මෙම වසර තුල මෙරට සාගර කලාපය පුලුල් කර ගැනීම සඳහා වන ජාත්‍යන්තර මට්ටමේ විශේෂඥ සාකච්ඡා වෙනුවෙන් ආචාර්ය සාලිය වික්‍රමසූරිය මහතා පත් කිරීමට ජේෂ්ඨ කැබිනට් ඇමැතිවරු ගනනාවකගේ කැමැත්ත හිමිව තිබුණද ජනාධිපතිවරයා , නීතිපතිවරයාගේ බහට යටවී ඒ වැලැක්වීමට කටයුතු කර තිබෙන බව දැන ගැනීමට තිබේ..

මංගල සමරවීර සහ ජාතික නිදහස් පෙරමුණ අතර පාර්ලිමේන්තුව තුළ ඊයේ (05) වාග් සංග්‍රාමයක් ඇවිළී තිබේ. එහිදී, මංගල සමරවීර විසින් `තක්කඩියා` යන වචනය භාවිත කරන ලදී. එය ඇසුනු විගස ඊට ප්‍රතිචාර ලෙස මංගල සමරවීරට දමා ගැසුණේ `පොන්නයා` යන වචනයෙනි. දිගින් දිගටම `පොන්නයා` යනුවෙන් තමන්ව අපහාසයට ලක්කරන විට, මංගල සමරවීර කියා සිටියේ, හොරෙක් මිනීමරුවෙක් වනවාට වඩා පොන්නයෙක් වීම ගෞරවනීය බවයි.

ත්‍රීකුණාමලයේ තෙල් ටැංකි සංකීර්ණය රජය විසින් ඉන්දියාවට විකුණනවා යැයි පවසමින් මහින්ද රාජපක්‍ෂ මහතාගේ ඒකාබද්ධ විපක්‍ෂයට අයත් වෘත්තීය සමිති කොටස් හා ජනතා විමුක්ති පෙරමුණේ වෘත්තීය සමිති එක්ව නැවත වතාවක් තෙල් සංස්ථාවේ අඛණ්ඩ වැඩ වර්ජනයක් සිදුකරනවා යැයි තර්ජනාත්මක මත පතුරුවමින් තිබේ.

කොළඹ කොටස් වෙළෙඳපොළෙහි සභාපතිවරයා ලෙස එම වෙළඳපොළ හා ගනු දෙනු කරන පෞද්ගලික තැරව්කාර සමාගමක ප්‍රධාන විධායක නිලධාරියෙකු වන මොහාන් රේ අබේවර්ධන මහතා පත්කිරීම වැරදි පුර්වාදර්ශයක් බවට චෝදනා නැගෙමින් තිබේ. රේ අබේවර්ධන මහතා ද (05) සිට එම තනතුරෙහි කටයුතු කරයි.

ජාතික නිවාස සංවර්ධන අධිකාරිය මධ්‍ය ආදායම් ලාභීන් සඳහා කඩිනම් නිවාස වැඩසටහන නමින් ක්‍රියාත්මක කරන නිවාස ඉදිකර විකිණීමේ ව්‍යාපෘතියෙන් රාජ්‍ය නිලධාරීන් සඳහා එම නිවාස මේවන විට මිලදී ගත හැකි බව දන්වා තිබුණද ඒ සඳහා හැකියාව ලැබෙන්නේ මාසිකව ලක්ෂයක වත් වැ‍ටුපක් ලබන රාජ්‍ය නිලධාරීන් සඳහා පමණක් බව දැන ගැනීමට තිබේ.

එජාප උප නායක රවී කරුණානායක මහතා එම පක්ෂයේ ළඟ නායකත්ව අනුප්‍රාප්තිකයා ලෙස නම් කොට මුදල් අමාත්‍ය ධුරය වෙනුවට වෙනත් ප්‍රධාන අමාත්‍ය ධුරයක්ද ලබා දීමට සඳහා අගමැති රනිල් වික්‍රමසිංහ මහතා දැරු උත්සාහයද අසාර්ථක වී ඇති බව 'සිරිකොත' එජාප මුලස්ථාන ආරංචි මාර්ග පවසයි.

නව ආණ්ඩුක්‍රම ව්‍යවස්ථා මෙහෙයුම් කමිටුව අගමැති රනිල් වික්‍රමසිංහ මහතාගේ ප්‍රධානත්වයෙන් අද (03) පස්වරුවේ පාර්ලිමේන්තුවේ කමිටු ශාලාවකදී රැස්වූ අවස්ථාවේදී එම කමිටුව නියෝජනය කරන විද්වත් මණ්ඩලයේ ව්‍යවස්ථා යෝජනා කෙටුම්පත සභාගත කර තිබේ.