ලෝකයේ සතුටින්ම සිටින රට හැටියට මෙතෙක් කාලයක් සැලකුණේ ස්විස්ටර්ලන්තය. නමුත් එම වාර්තා ප්‍රතික්ෂේප කරන Gallup-Healthways Well-Being වාර්තා පෙන්වා දෙන්නේ ලෝකයේ සතුටින්ම සිටින රට පැනමාව බවයි.

Gallup-Healthways ලෝකයේ ජනතාවගේ තොරතුරු එක් රැස්කර ඒ ඇසුරින් තම වාර්තා නිකුත්කරන ලොව විශාලතම ආයතනයක් ලෙස සැළකෙනවා.

ඔවුන් රටවල් 145ක මිනිසුන් 146000 ක් යොදාගෙන ඔවුන්ගේ අරමුණු, සමාජ ක්‍රියාකාරිත්ව, ආර්ථික තත්ත්වය, සෞඛ්‍ය, මනුෂ්‍ය සම්බන්ධතා පිළිබඳ සිදුකරපු සමීක්ෂණයකදී අනාවරණය වී තිබෙන්නේ පැනමාව  ඉදිරියෙන් සිටින බවයි. ඒත් සමහරු මේකට හේතුව පැනමාව බියර් නිෂ්පාදනයෙන් ඉහලින්ම සිටීම ලෙසත් දකිනවා.

පැනමාව යුරෝපා ජාතීන්, ස්වදේශික ජනතාව  සහ අප්‍රිකානු ජනතාවගේ  එකතුවකින් සැදුනු රටකි.

සතුටින්ම සිටින රටවල්  අනුපිළිවෙලින් මෙසේයි. පැනමාව, කොස්ටාරිකා, පුඑර්ටෝ රිකෝ, ස්විස්ටර්ලන්තය, බෙලිස්, චිලී, ඩෙන්මාර්ක්, ගෝතමාලා, ඔස්ට්‍රියා, මෙක්සිකෝ.  මේ රටවල් අතරට ලතින් ඇමරිකානු රටවල් 07ක් ඇතුලත් ව තිබීමද විශේෂත්වයකි.

මේ වාර්තා අනුව ඇමරිකාව 44 වැනි ස්ථානයට පත්ව තිබෙනවා. මිනිසුන් අඩුවෙන්ම සතුටින් සිටින රට ලෙස සඳහන් වී ඇත්තේ ඇෆ්ගනිස්ථානයයි.