ඉතිහාසයේ පළමුවරට කෙටිම කලකින් කඩඉම් ලකුණු නිකුත් කිරීම අදයි
විශ්වවිද්‍යාලවලට සිසුන් බඳවා ගැනීමේ කඩඉම් ලකුණු අද (01) නිකුත් කෙරෙන බව විශ්වවිද්‍යාල ප්‍රතිපාදන කොමිෂන් සභාව පවසයි.
ශ්‍රී ලංකාවේ නිල ණය හිමියන් ණය ප්‍රතිව්‍යුහගතකරණය සඳහා පෙරේදා (29) මූලික එකඟතාවන්ට පැමිණි බව පාර්ලිමේන්තුවට සතුටින් දැනුම් දෙන බව මුදල් රාජ්‍ය අමාත්‍ය ශෙහාන් සේමසිංහ පාර්ලිමේන්තුවේදී ඊයේ (30) පැවසීය.
අධිකරණ නියෝගයට අනුව ජෙරොම් ප්‍රනාන්දු ගෙන් CID ය පැය 8 ක් ප්‍රශ්න කිරීම්
බුදු දහමට අපහාස වන අයුරින් ප්‍රකාශයක් සිදුකරමින් ආගමික සංහිඳියාවට හානි කළ බවට චෝදනා එල්ල වී සිටින දේවගැති ජෙරොම් ප්‍රනාන්දුගෙන් අපරාධ පරීක්ෂණ දෙපාර්තමේන්තුව ඊයේ (30) පැය 08ක් පුරා දීර්ඝ ලෙස ප්‍රශ්න කළේය.
ප්‍රමිතියෙන් තොරව HUMAN IMMUNOGLOBULIN නමැති ප්‍රතිදේහ එන්නත් වංචාව සම්බන්ධයෙන් කෙරන විමර්ශනයට අදාළව හිටපු සෞඛ්‍ය ලේකම් ජනක ශ්‍රී චන්ද්‍රගුප්තන් CID ඊයේ (30) පැය 4කට ආසන්න කාලයක් ප්‍රශ්න කරනු ලැබීය.
ඊයේ (30) මධ්‍යම රාත්‍රියේ සිට SINOPEC සහ IOC සමාගම් ලංකා ඛනිජ තෙල් සංස්ථාව ප්‍රකාශ කළ මිල ගණන්වලට සමාන වන අයුරින් මිල සශෝධනය කර ඇති බව සඳහන් වේ.
පසුගිය යල කන්නයේ යුරියා පොහොර ලබා ගැනීම සඳහා රජය විසින්ගොවි ජනතාවට නිකුත් කළ වවුචර්පත්වලට අදාල පොහොර ලබා නොගත් ගොවීන් දෙසැම්බර් මස 15ට පෙර එම පොහොර ලබා ගන්නා ලෙස කෘෂිකර්ම අමාත්‍යාංශය ගොවීන්ගෙන් ඉල්ලීමක් කරයි.
හර්ෂණ නෑ කිව්වට සජබයෙන් පොදු අපේක්ෂකයෙක් ලු එන්නේ
හිටපු ක්‍රීඩා ඇමැති රොෂාන් රණසිංහට සමගි ජන බලවේගය සමඟ එක්වන ලෙස ආරාධනා කර ඇති නමුත් ඔහු විපක්ෂයේ පොදු අපේක්ෂකයා නොවන බව එම පක්ෂයේ පාර්ලිමේන්තු මන්ත්‍රී හර්ෂණ රාජකරුණා මාධ්‍ය හමුවක් කැඳවමින් ප්‍රකාශ කළේ මේ වන විටත් සජබයේ නායක සජිත් ප්‍රේමදාසගේ නායකත්වය යටතේ පක්ෂය දියවෙමින් යෑම වලක්වා ගැනීමට බව එම පක්ෂයට සම්බන්ධ ආරංචිමාර්ග පවසයි.
ප්‍රමිතියකින් තොර පොල්තෙල් පරිභෝජනයට ඉඩ දෙන්නේ නැහැ - අමාත්‍ය මහින්ද අමරවීර
ප්‍රමිතියෙන් තොර පොල්තෙල් මෙරට ජනතාව සදහා පරිභෝජනයට ඉඩ නොදෙන බවත්, එවැනි පොල් තෙල් ප්‍රති අපනයනය කරන බවත් කෘෂිකර්ම සහ වැවිලි කර්මාන්ත අමාත්‍ය මහින්ද අමරවීර පවසා සිටියේය.
