සෑම වසරකම ඔක්තෝබර් සිට ඊළඟ වසරේ පෙබරවාරි දක්වා මාස 05ක් තුළ රටේ පොල් හිඟයක් මතුවන බවත් රිළවුන්ට, දඬුලේනුන්ට එම කාලවලදී චෝදනා නොකර ජනතාවට හිඟයකින් තොරව පොල් ලබාදීමේ වැඩපිළිවෙළක් සකස් කිරීමට පොල් සංවර්ධන අධිකාරියේ නිලධාරීන් කටයුතු බවත් පාරම්පරික පොල්තෙල් නිෂ්පාදකයන්ගේ සංගමයේ ප්‍රධාන කැඳවුම්කරු බුද්ධික ද සිල්වා මහතා පැවැසීය. පෙබරවාරිවලින් පසු පොල් හිඟ මාතෘකාව නැතිව යන බව ද ඔහු කීය.

මේ වසරේ මුල් මාස හයට නිසි ලෙස විදුලි බිල ගෙවීමට නොහැකිවූ නිවාස පන්ලක්ෂ පන්දාස් නවසිය හතළිස් නවයක විදුලිය විසන්ධි කර ඇතැයි විදුලිය පාවිච්චි කරන්නන්ගේ සංගමයේ ලේකම් සංජීව ධම්මික මහතා සඳහන් කරයි.

 යෝජිත ගාල්ල වරාය නගර සංවර්ධන ව්‍යාපෘතිය යටතේ සිදුකරන මුහුදු ගොඩකිරීම පිළිබඳ සැලැස්ම රජය පිළිනොගන්නා බව ත් එම සැලැස්ම ක්‍රියාත්මක නොකරන බව ධීවර, ජලජ සහ සාගර සම්පත් නියෝජ්‍ය අමාත්‍ය රත්න ගමගේ පවසයි.

බදු මුදල් මෙමස 26 වැනිදා වනවිටදී ගෙවීමට අපොහොසත් වුවහොත් කිසිදු දඩ සහනයක් ලබා නොදෙන බවත්, මේ වනතෙක් නොගෙවූ ස්ව තක්සේරු බදු සහ හිඟ බදු අය කරගැනීමට අදාළව නීතිමය කටයුතු ආරම්භ කර ඇති බවත් දේශීය ආදායම් දෙපාර්තමේන්තුව සඳහන් කරයි.

මෙරට සහල් අර්බුදය විසඳීම සඳහා බව පවසමින් ඉන්දියාවෙන් ආනයනය කරන ලද මිනිස් පාරිභෝජනයට නුසුදුසු කල් ඉකුත්වූ සහල් මෙට්‍රික් ටොන් 75 ක සහල් තොගය වහාම ප්‍රතිඅපනයනය කරන ලෙස රේගුව ආනයනකරුට දැනුම්දී ඇත.

ඉන්දියාවේ තෙදින නිල සංචාරයක නිරත ජනාධිපති අනුර කුමාර දිසානායක මහතා පිළිගැනීමේ නිල උත්සවය අද (16) ඉන්දීය ජනපති නිල නිවස වන රාෂ්ඨපතිබවන් හී දී පැවැත්වීමට නියමිතය.

ගිණිකොනදිග බෙංගාල බොක්ක මුහුදු ප්‍රදේශ ආශ්‍රිතව ඉදිරි පැය 24 තුළ අඩු පීඩන කලාපයක් නිර්මාණය වීමේ හැකියාවක් පවතින අතර එම පද්ධතිය තවදුරටත් සෙමින් වර්ධනය වෙමින් බටහිරට බරව වයඹ දෙසට ගමන් කරනු ඇත.