අග්‍රාමාත්‍ය මහින්ද රාජපක්‍ෂ මහතාගේ උපදෙස් මත ඉදිවූ බේරේවැව එළිමහන් අවන්හල ජනතා අයිතියට පත් කෙරුණා.
රුපියල් මිලියන 60 ක වියදමින් නාගරික සංවර්ධන අධිකාරිය ක් රියාත්මක කළ මෙම ව්‍යාපෘතිය පදිකයන්ගේ සනීපාරක්‍ෂාව, භෝජන පහසුකම්, විවේක පහසුකම් ඇතුලු පහසුකම් රැසකින් සමන්විතයි.
පොළොන්නරුව, ගල්ලෑල්ල කොවිඩ් ප්‍රතිකාර මධ්‍යස්ථානයේ ප්‍රතිකාර ලබමින් සිටි රැඳවියන් 5 දෙනෙක් අද (31) අලුයම එම ස්ථානයෙන් පළා ගොස් තිබේන අතර එලෙස පළාගිය රැඳවියන්ගේ තොරතුරු මේ වන විට පොලිස් මුලස්ථානය විසින් මාධ්‍යයට නිකුත් කර තිබෙනවා.
පිටරට පාර්සල් ගැන DIG අජිත් රෝහණ ගෙන් අනතුරු ඇගවීමක් !
ත්‍යාග මුදලක් හෝ ත්‍යාගයක් හිමි වන බව පවසමින් අනතර්ජාලය ඔස්සේ අද (31)දිනයේ ලැබෙන පණිවුඩවලට නොරැවටෙන ලෙස පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා ජනතාවට දැනුම් දෙනවා.
ජාතික පාසල් දහසක් ස්ථාපනය කිරීමේ ජාතික වැඩපිළිවෙලේ සමාරම්භය ඊයේ (30) කෝට්ටේ ශ්‍රී ජයවර්ධනපුර විද්‍යාලයේදී සිදු කෙරුණා.
කොවිඩ් 19 තත්වය නිසා මෙරට ආර්ථික ක්ෂේත්‍රයේ වූ පසුබෑම යළි නංවාලීම වෙනුවෙන් ගත් ක්‍රියාමාර්ගයන් අතර සංචාරක ව්‍යාපාරයට අවස්ථාවක් උදාකර ගැනීම වෙනුවෙන් පසුගියදා නව අත්හදා බැලීමකට ආණ්ඩුව යොමු විය. ඒ අනුව Travel Bubble නම් සංකල්පයක් යටතේ යුක්‍රේනයේ සිට මෙරට සංචාරයට කැමැති 186 දෙනෙකු මෙරටට පැමිණිමට අවසරය දෙන ලදී.
කොවිඩ් 19 තත්වය මත මෙය අවදානම්කාරී බව අමුතුවෙන් කිවයුතු නැත. මේ නිසා මෙම මෙහෙයුම ක්‍රියාත්මක කෙරුනේ නව සෞඛ්‍ය ආරක්ෂණ ක්‍රමවිධි රැසක් අනුගමනය කරමිනි. එහෙත් මෙරටට පැමිණි මෙම කණ්ඩායම තුල මේ වන විට කොරෝනා අසාදිතයන් 6 දෙනෙකු සිටි බව ඊයේ දිනය වන විට හඳුනාගෙන තිබේ. මෙය නොවිය හැකිව තිබූවක් නොවේ. එවැනි අවදානමකට මුහුණ දීමේ සූදානමක් සෞඛ්‍ය අංශ වෙත තිබිණි. වෛරසයේ ස්වභාවය, එය පැතිරීමේ ස්වභාවය, මිනිස් ශරීරයේ ස්වභාවය අනුව අසාදනය වීමේ හැකියාව ආදිය කිසිවක් නිශ්චිත නැත. පීසීආර් පරීක්ෂණ පවා සියයට සියයක් විශ්වාසනීය නොවේ. එම පරීක්ෂණ සිදු කළත් වෛරසයෙ හැසිරීම අනුව ආසාදිතයකු වුව මඟ හැරෙන අවස්ථා තිබිය හැක. නමුත් මේ අවිනිශ්චිතභාවයන් තවදුරටත් තබාගෙන රට මුලුමනින්ම දීර්ග කාලයක් වසාගෙන සිටීමේ හැකියාවක් ලෝකයෙ කිසිදු රටකට නැත. රටේ ආර්ථිකය කඩා වැ‍ටුනහොත් ජන ජීවිතය පවත්වාගෙන යෑමේ අවිනිශ්චිතභාවය වඩාත් බරපතල ගැටලුවක් වෙනු ඇත.
කොරොනා දෙවැනි රැල්ල මතු වූ මොහොතේදී රට වසා දමා අඳිරි නීතිය දමා මාස ගනන් වසා තැබිය යුතු බවට මෝඩ ඉල්ලීම් දිගින් දිගටම ඉදිරිපත් වූවද ජනතාවට වගකියන පාලකයන් ලෙස වත්මන් ආණ්ඩුව සියල්ල වඩා යහපත් ලෙස කළමනාකරණය කරගනිමින් රට වසා නොදමා වසංගතය පාලනය කරගැනීමටත් ආර්ථිකය කඩ නොවැටෙන්නට අවශ්‍ය ක්‍රියමාර්ගයන්ද තුලනය කරගැනීමට සමත් වී තිබේ.
සංචාරක ව්‍යාපාරය කියන්නේ මෙරටට විදේශ විනිමය ලැබුණු, ව්‍යාපාර, රැකියා, ස්වයං රැකියා විශාල ප්‍රමාණයක් උපදවනු ලැබූ ප්‍රධාන මාර්ගයක් මෙන්ම අනාගතයේ විශාල බලාපොරොත්තුවක් තබා තිබෙන ක්ෂේත්‍රයයි. එම ඉලක්ක කෙසේ හෝ ජය ගැනීමට ආණ්ඩුව කටයුතු කළ යුතුය. ඒ වෙනුවෙන් උත්සාහයක් හෝ දැරීමට නොහැකි නම් එය ආණ්ඩුවේ අසමත්කමය.
සෞඛ්‍ය අංශවල උපදෙස්, වසංගත තත්වය තුල සංචාරක ව්‍යපාරය සම්බන්ධ ජාත්‍යන්තර අත්දැකීම ආදිය සලකා බල මෙරටට සංචාරකයන් ගෙන්වා ගැනීම වෙනුවෙන නියමු ව්‍යපෘතියක් ලෙස යුක්‍රේන සංචාරකයන් පිරිස ගෙන්වා ගැනීම සිදු කර තිබිණි. මේ වන විට එහි වැරදීම් කිහිපයක් හඳුනාගෙන තිබේ. විවේචයන්ද ඉදිරිපත්ව තිබේ. දැන් විය යුත්තේ මෝඩ, කුහක, කඩාකප්පල්කාරී විපක්ෂ උපදෙස් අනුව සංචාරක ව්‍යාපාරය අත්හි‍ටුවීම නොවේ. සිදුව තිබෙන වැරදීම් අඩුපාඩුකම් යළි සකසා සංචාරක ව්‍යාපාරයට නව අවස්ථා උදාකර දීමය. කොරෝනා පොකුරක් වෙනුවට ඩොලර් පොකුරක් නිර්මාණය කරගැනීමට හැකි සැම උත්සාහයක් දැරීමය.
මහර ගැටුම සම්බන්ධයෙන් කමිටුව ලබා දුන් යෝජනා හැකි ඉක්මණින් ක්‍රියාත්මකයි
මහර ගැටුම සම්බන්ධයෙන් පත්කළ කමිටුව ලබා දුන් වාර්තාවේ සඳහන් යෝජනා හැකි ඉක්මණින් ක්‍රියාත්මක කිරීමට බලාපොරොත්තුවන බව අධිකරණ අමාත්‍යාංශය පවසනවා.
දින 11 ක් තුළ රිය අනතුරුවලින් මියගිය සංඛ්‍යාව 50ක් දක්වා ඉහළට
පසුගිය විසි වනදා සිට සිදුවූ රිය අනතුරුවලින් පුද්ගලයන් පනස් දෙනෙකු මියගොස් තිබෙන අතර එකසිය තිස් දෙදෙනෙක් (132) බරපතල තුවාල ලබා තිබෙනවා.
පොලොන්නරුව, ගල්ලෑල්ල කොරොනා ප්‍රතිකාර මධ්‍යස්ථනයේ කොරොනා අසාදිතව සිටි බන්ධනාගාර රැඳවියන් පස් දෙනෙකු පළා ගොස් ඇති බව වාර්තා වේ. මෙම කණ්ඩායම වයස අවුරුදු 22,23,26,32,සහ 52 වයස වල පුද්ගලයන් බවද පැවැසේ.
