සිරිසේන ජනාධිපතිවරයා ආණ්ඩුක්‍රම ව්‍යවස්ථාව උල්ලංඝනය කරමින් පාර්ලිමේන්තුව විසුරුවා හැර මහ මැතිවරණයක් කැඳවීමට එරෙහිව පක්ෂ හා කණ්ඩායම් විශාල ප්‍රමාණයක් අධිකරණ ක්‍රියා මාර්ග ගැනීමට නියමිතය. ඒ අනුව හෙට දිනයේදී එජාපය, දෙමළ සංධානය ජවිපෙ සහ සිවිල් සමාජ කණ්ඩායම් ශ්‍රේෂ්ඨාධිකරණයට මේ සම්බන්ධයෙන් පෙත්සම් ගනනාවක් බාර දිමට නියමිතය.

පොදුජන පෙරමුනේ අගමැති අපේක්ෂකයා ලෙස කොළඹ දිස්ත්‍රික්කයෙන් මහින්ද රාජපක්ෂ මහ මැතිවරණයට ඉදිරිපත් විය යුතු බව ඊයේ දිනය වන විට තීන්දු කර සිටි මහින්ද රාජපක්ෂ මේ වන විට එම අදහස අත් හැර තිබේ. රනිල් වික්‍රමසිංහ සමඟ තරගයක් දි ඔහුට වඩා වැඩි මනාප සංඛ්‍යාවක් ලබා ගැනිමට හැකි බව එම පෙරමුණේ නායකයන් විශ්වාස කළේය.

කවර තත්වයක් හමුවේ හෝ ඉදිරි මහ මැතිවරණයට හා ජනාධිපතිවරණයට මුහුණ දීම සඳහා එජාපය අද උදෑසන පැවැති පාර්ලිමේන්තු කණ්ඩායම් ‍රැස්වීමේදී තීරණාත්මක කරුණු කාරණ රැසක් සාකච්ඡාවට ගෙන තිබේ.

බලාපොරොත්තු වූ පරිදිම සිරිසේන ජනාධිපතිවරයා ශ්‍රි ලනිපයේ ගමනක අවසානය සළකුණු කර තිබේ.. ඉදිරි මහ මැතිවරණයට පොහොට්‍ටුව ලකුණේ එල්ලී තම තමන්ගේ බලය ‍රැක ගැනීමට දැන් ශ්‍රී ලනීපයේ සෙසු නායකයන්ට සිදුව තිබේ.

සිරිසේන ජනාධිපතිවරයාගේ නායකත්වයෙන් යුතු සමස්ත ලංකා ශ්‍රීලනිප කාරක සභාව ඊයේ (08) අපේගම පරිශ්‍රයේ රැස්වූ අවස්ථාවේ,14 වෙනිදා පාර්ලිමේන්තුවේ මන්ත්‍රිවරයෙකු හෝ දෙදෙනෙක් මරණයට පත්කොට හෝ බහුතර බලය දිනාගන්නා බව ප්‍රකාශ කොට තිබෙන බව පා.ම. තුෂාර ඉදුනිල් මහතා අද (09) අරලියගහ මන්දිරයේ පැවති මාධ්‍ය හමුවකදී පැවසීය.

පලනි දිගම්බරම් සහ මනෝ ගනේශන් මන්ත්‍රීවරු දෙදෙනා කවර මිළක් ගෙවා හෝ මිළදි ගෙන ජනාධිපතිවරයා හමුවට ගෙන එන බව ප්‍රසිද්ධ ව්‍යාපාරිකයකු නාමල් රාජපක්ෂට අද දින පොරොන්දු වී තිබේ.