ඒ අනුව .එළඹෙන ජනාධිපතිවරණයේ පොදුජන පෙරමුණේ ජනාධිපති අපේක්ෂක නන්දසේන ගෝඨාභයට ශ්‍රීලනිපයේ සහය හිමිවේ. ඒ අනුව ජනාධිපතිවරණයේ දී දෙපාර්ශ්වයේ ඡන්ද එකතුව වන ලක්ෂ 64ක ඡන්ද ප්‍රමාණය මත නන්දසේන ජනාධිපතිවෙයි. ඉන් පසුව පවතින පාර්ලිමේන්තුවේ පක්ෂ සංයුතිය වෙනස් කරමින් නව ජාතික ආණ්ඩුවක් පිහි‍ටුවනු ලබයි..
එහිදී සිරිසේන ශ්‍රීලනිපයේ ජාතික ලැයිස්තු මන්ත්‍රීවරයකු ලෙස පාර්ලිමේන්තුවට එන අතර ශ්‍රී ලනිපයෙත් රාජපක්ෂ කණ්ඩායම නියෝජනය කරන ඒකාබද්ධ විපක්ෂ කණ්ඩායමේත් සහ එජාපයේ රනිල් පාර්ශ්වයේ සහ දිනන පැත්තට සහය දෙන සුළු පක්ෂවලත් සහයෝගය මත සිරිසේන අගමැතිවරයා ලෙස බහුතර ඡන්ද බලය පෙන්වා පත් කෙරෙනු ඇත. කතානායක ධුරය හෝ මුදල් ඇමැතිකම සමඟ බලගතු ඇමැතිධුර කිහිපයක් හෝ මහින්දට හිමිවනු ඇත.
ඉන් පසුව එජාපය පාර්ලිමේන්තුවේ විශාලම විපක්ෂය වන නිසා රනිල් විපක්ෂ නායකයා ලෙස පත් කෙරෙණු ඇත. එමගින් රනිල්ගේ එජාප නායක ධුරයත් සු‍රැකෙනු ඇත. ජවිපෙත් ටීඑන්ඒත් රනිල් සමඟ විපක්ෂයේ සිටිනු ඇත.
වින් ටු වින් ක්‍රමයට දැන් මේ පක්ෂ නායකයන් සියළු දෙනා සියලු ප්‍රශ්න නිරාකරණය කරගෙන ඇත. සියල්ලෝ දැන් සතුටිනි.
මෙහෙම වෙනවාටම නොව එහෙම නොවිය නොහැක්කක් නිසා වේලාසන මෙසේ ලියා තබමු.
