අද (01) පාර්ලිමේන්තුවේදී අදහස් දක්වමින් නියෝජ්‍ය අමාත්‍යවරයා පැවසුවේ ඒ සඳහා වූ ගැසට් නිවේදනය බලාත්මක කිරීමට සියලු කටයුතු මේ වන විට යොදා ඇති බවය.
"විශේෂයෙන් අවුරුදු 12ට අඩු ළමුන් වෙළෙඳ ප්‍රචාරය සඳහා යොදා ගැනීම අපි ජනවාරි 01 වැනිදා සිට නවත්වනවා. ඒ සඳහා වූ ගැසට් පත්‍රය බලාත්මක කිරීමට සියලු කටයුතු අපි යොදලා ඉවරයි.
මොකද පසුගිය රජයන් තුළින් අවුරුදු 7-8ක් තිස්සේ ඕක පස්සට දාදා හිටියා. අපි ගිය සතියේ තීරණයක් ගත්තා අපි ඒක පස්සට දාන්නේ නෑ අපි ජනවාරි 01 වැනිදා ඉඳලා මෙය බලාත්මක කරනවා කියන කාරණය."
කෙසේ නමුත් කුඩා දරුවන් වෙළඳ දැන්වීම් සඳහා යොදා නොගත යුතු බවට වන මතය දශක ගනනාවක් පැරණි මතයක් වන අතර වර්තමානය තුළ දී දරුවන් දැන්වීම් සඳහා යොදා නොගැනීම වෙනත් ප්‍රශ්න ගනනාවක් මතු කිරීම නිසා මෙම තහනම ක්‍රියාත්මක වන බොහෝ රටවල ක්‍රියාත්මක වන්නේ ඇතැම් විශේෂිත කරුණු මත පමණි. විශේෂයෙන්ම සෞඛ්‍යමය තර්ජන ඇති විය හැකි කෘතිම ආහාර වර්ග, ලිංගිකමය තේමාවන් සහිත දැන්වීම් ආදී හඳුනාගත් ක්ෂේත්‍රයන් කිහිපයක් සඳහා ළමුන් යොදා නොගත යුතු බවට රෙගුලාසී පමණක් ක්‍රියාත්මක වේ.
කුඩා දරුවන් වෙනුවෙන් වන නිශ්පාදන සියල්ල සඳහා මෙම තහනම මෙරට දී ක්‍රියාත්මක වුවහොත් මාධ්‍ය ආයතන සඳහා ලැබෙන දැන්වීම් සහ දරුවන් ඉලක්ක කර වැඩසටහන් අනුග්‍රාහකත්වයන් හි විශාල අඩු වීමක් සිදු විය හැකි අතර ඒ පියවා ගැනීම වෙනුවෙන් සෙසු දැන්වීම් මිළ ගනන් ද ඉහළ යාම සිදු විය හැකිය. එමෙන්ම තරගකාරී වෙළඳපොළ තුළ මෙම තහනම නිසා සිය ඉලක්ක ගත පාරිභෝගිකයා වෙත පිවිසීමේ දී ව්‍යාපාරිකයන් අපහසුතාවයට පත්වීම සිදු විය හැකිය.
මේ අනුව මෙම තහනම ක්‍රියාත්මක වීමේ දී සියළු දැන්වීම සඳහා අදාල වීම අනුවණ තීරණයක් විය හැකිය.
