Rottweiler කියන්නේ කිසිදවසක අපේ දෑස් වලට මග හැරෙන සුනඛ විශේෂයක්නම් නොවෙයි. දිලිසෙන කළු ලොම් සහිත කැපී පෙනෙන වර්ණයක් සහ ශක්තිමත් මාංශපේශීන් හිමි මොවුන් ගමන් කරන ඕනෑම ස්ථානයක මිනිසුන්ගේ ආකර්ෂණය හිමිකර ගන්නට සමත් සුනඛයින් වර්ගයක්. නමුත් මොවුන් විශේෂ වන්නේ ඔවුන්ගේ පෙනුම නිසාම නොවෙයි. මෙම බුද්ධිමත්, නිර්භීත,පක්ෂපාති සුනඛයින් සමග ඔබ ගමන් කරන විට එය ඔබගේ ආත්ම-විශ්වාසය වැඩි කරන අතරම ඔබ මතුපිටින් බලවත් අයෙකු ලෙස පෙනීමට සලස්වනවා.

ඉතින් මෙම අපූරු රොට්වයලර් සුනඛයන්ගේ ආරම්භය සිදු වූ ආකාරය පිළිබඳ අපි මුලින්ම කරුණු දැනගනිමු.

මොවුන්ගේ ආරම්භය රෝම අධිරාජ්‍යය දක්වා වසර 2000කට එහා දිව යන්නක්. මෙම සුනඛයන් රෝම සොල්දාදුවන් සමඟ ඔවුන්ගේ ජයග්‍රහණ අතරතුර එකට ගමන් කළ ශක්තිමත් මැස්ටිෆ් (Mastiffs) වැනි විශේෂ වලින් පැවත එන්නන් වනවා. රෝමානුවන් ඇල්ප්ස් කඳුකරය හරහා උතුරු දෙසට (වර්තමාන ස්විස්ටර්ලන්තය) ගමන් කරන විට මෙම සුනඛයින් වැදගත් කාර්යභාරයක් ඉටු කරනු ලැබුවා. ඒවා අතර විලෝපිකයන්ගෙන් සහ සොරුන්ගෙන් පශු සම්පත් ආරක්ෂා කිරීම, රිය පැදවීම සහ ගමනාන්තයට ළඟාවන තුරු ගවයින් ආරක්ෂා කිරීම මෙම රොට්වයලර් මුතුන් මිත්තන්ගේ මූලික රාජකාරි බවට පත්වුණා.

ඔවුන්ගේ ගමනේ එක් ප්‍රධාන නැවතුමක් වුණේ එකල ගව වෙළඳාමේ ප්‍රධාන මධ්‍යස්ථානයක් වූ දැන් ජර්මනියේ රොට්වෙයිල් (Rottweil) ප්‍රදේශයයි. රෝම අධිරාජ්‍යය බිඳවැටීමෙන් පසු, මෙම වෙහෙස මහන්සි වී වැඩ කරන සුනඛයන් ප්‍රදේශවාසීන්ට අත්‍යවශ්‍ය සහකරුවන් බවට පත්වුනා. ඔවුන් පශු සම්පත් පාලනය කිරීමට දක්ෂ වූ අතරම මස් පිරවූ බර කරත්ත වෙළඳපොළට ඇදගෙන යන අයුරු නිතර දක්නට ලැබුණා.

ඒ වගේම ඔබ දන්නවාද? එකල මස් කඩකරුවන් තමන් මහන්සි වී උපයාගත් ධනය සල්ලි මලු ආකාරයෙන් සාදා මෙම සුනඛයින්ගේ බෙල්ලේ එල්ලූ බව..? රොට්වයලර් සුනඛයන් සතුව තිබූ ශක්තිය සහ සැරපරුශ පෙනුම හේතුවෙන් කිසිවෙකුත් ඔවුන්ගෙන් සොරකම් කිරීමට තරම් එඩිතර වුනේනම් නැහැ. මෙය ඔවුන්ට "Rottweiler Metzgerhund" යන අන්වර්ථ නාමය ලබා දුන්නා. එහි අර්ථය නම් "රොට්වෙයිල් හි මස්කරුවාගේ බල්ලා" යන්නයි.
කාලය ගතවීමත් සමග Greater Swiss Mountain Dog, Bernese Mountain Dog, Entlebucher Mountain Dog, Appenzeller Sennenhund වැනි අනෙකුත් සුනඛයන් සමඟ මිශ්‍ර කිරීම හේතුවෙන් අභිජනනය වර්ධනය සිදුවූවා. මෙම අභිජනන ප්‍රයත්නයන් Rottweiler අද අප දන්නා සහ ආදරය කරන විශ්වාසවන්ත, ධෛර්ය සම්පන්න සහ බහුකාර්ය සුනඛයා පත් කිරීමට උපකාරී වුණා.

කෙසේ වෙතත් කාර්මික විප්ලවය විසින් භාණ්ඩ ප්‍රවාහනය සදහා දුම්රිය මාර්ග හඳුන්වා දුන් අතර කරත්ත ඇදීමට හෝ පශු සම්පත් ආරක්ෂා කිරීමට අවශ්‍ය නොවීම නිසා Rittweiler ගහනය තියුණු ලෙස පහත වැටීම ආරම්භ වුනා. 1882 වන විට ජර්මනියේ හීල්බ්‍රොන් හි පැවති සුනඛ සංදර්ශනයක ප්‍රදර්ශනය වූයේ එක් රොට්වයලර් වර්ගයක් පමණි. එම තත්වය යටතේ ද, කැපවූ අභිජනනය කරන්නන් අභිජනනය ආරක්ෂා කිරීමට වෙහෙස නොබලා කටයුතු කරන ලදි.
මොවුන් Rottweiler සුනඛයන්ගේ වටිනාකම සෑමවිටම අගය කල අතර භූමිකාවන් වෙනස් වූ විටදී පවා මෙම සුනඛයන් ආරක්ෂා කොට පවත්වාගෙන යාමට උනන්දු විය.

20 වැනි සියවසේ මුල් භාගයේදී රොට්වයලර් සුනඛයින් නව වගකීම් භාර ගැනීම දැකගත හැකි වූ අතරම ජර්මන් ෂෙපර්ඩ්ස්, ඩොබර්මන්ස් සහ එයාර්ඩේල් ටෙරියර්ස් සමඟ ඔවුන් ජර්මානු පොලිස් සුනඛ සංගමයට සම්බන්ධ වුණා. ඔවුන්ගේ ශක්තිය, බුද්ධිය සහ නිර්භීතකම ඔවුන් විශිෂ්ට පොලිස් සුනඛයන් බවට පත් කලා වගේම පෞද්ගලික දේපළ සහ ව්‍යාපාරවල ආරක්ෂකයින් බවට පත් කරනු ලැබුවා. ඒ අනුව වැඩි කල් යාමට මත්තෙන් මිනිසුන් විසින් විශ්වාසවන්ත සහකරුවන් ලෙස Rottweiler සුනඛයන් හඳුනා ගත්තා.

මීළගට මූලික වශයෙන් ඇමරිකා එක්සත් ජනපදය තුල අහිජනනය සිදු වූ ආකාරය පටන් මේ දක්වා ඔවුන් ලැබූ ජනප්‍රියත්වය පහත කරුණු ඔස්සේ විමසා බලමු.?

1930 දී ජර්මානු සංක්‍රමණික ඔටෝ ඩෙනී (Otto Denny) එක්සත් ජනපදයේ පළමු රොට්වයලර් පැටවුන් බෝ කළේය.

ඇමරිකානු කෙනල් සමාජය (AKC) 1931 දී අභිජනනය හඳුනා ගන්නා ලදී.

රොට්වයලර් සුනඛයන්ගේ AKC අභිජනන ප්‍රමිතිය 1935, 1971 සහ 1990 දී සංශෝධනය කරන ලදී.

ජෝන් ක්ලෙම් සහ ඇගේ පවුලේ අය මෙම අභිජනනය එක්සත් ජනපදයේ ප්‍රචලිත කිරීමට මූලික විය.

ක්ලෙම් ඇගේ පළමු පැටව් ලියාපදිංචි කළේ 1949 දී ය.

American Rottweiler Club (ARC) 1973 හි පිහිටුවන ලද අතර 1991 හි AKC සාමාජිකයෙකු බවට පත්විය.

1990 දශකයේ මැද භාගය වන විට රොට්වයලර් සුනඛයන් ගෝලීය වශයෙන් වඩාත් ජනප්‍රිය අභිජනනය බවට පත්විය.

මෙම කාලය තුළ එක්සත් ජනපදයේ දෙවන වඩාත් ජනප්‍රිය අභිජනනය ලෙස මොවුන් ශ්‍රේණිගත විය.

Rottweiler සුනඛයින් යනු සැබවින්ම කැපී පෙනෙන සුනඛ විශේෂයකි. ශක්තිය, බුද්ධිය සහ පක්ෂපාතීත්වයේ අද්විතීය සංයෝජනයක් මොවුන් මූර්තිමත් කරයි. වෙහෙස මහන්සි වී වැඩ කරන රියදුරන් සහ භාරකරුවන් ලෙස ආරම්භ කල අතීත භූමිකාවේ සිට, පවුල් ආරක්ෂකයින් සහ බහුකාර්ය ශූරයින් ලෙස ඔවුන්ගේ නවීන භූමිකාවන් දක්වා, මෙම සුනඛයන් ඔවුන් ආදරය කරන අයට ඔවුන්ගේ අනුවර්තනය වීමේ හැකියාව සහ භක්තිය අඛණ්ඩව ප්‍රදර්ශනය කර ඇත.

කැපී පෙනෙන පෙනුමෙන් ඔබ්බට ඔවුන් විශාල හදවතක් ඇති, තම ආදරණීයන්ට ඉතා මෘදු සහ ඔවුන්ගේ පවුල සදහා නොසැලෙන කැපවීමකින් බැඳී සිටින සුනඛ විශේෂයකි. ඔවුන් ක්‍රීඩා කිරීමේදී වුවද, පවුල තුළ ආදරණීයකුගේ භූමිකාව සිදු කළද, දැඩි ආරක්ෂකයෙකු වුවද ඒ සියලු අවස්ථාවන්හිදී ඔවුන් මිනිසුන් තුළ සදාකල් නොමැකෙන මතකයන් එක් කරයි. නිසි පුහුණුව, සැලකිල්ල සහ ආදරය ඇතිව, රොට්වයලර් සුරතලුන් ඕනෑම නිවසකට ප්‍රීතිය, ආරක්ෂාව සහ මිත්‍රත්වය ගෙන දිය හැකි විශ්වාසදායක හවුල්කරුවන් ලෙස අපට හඳුනා ගැනීමේ හැකියාවක් පවතී. එබැවින් රොට්වයලර් සුනඛයෙකු ඔබේ සුරතලා ලෙස තෝරා ගැනීම යනු ජීවිත කාලය පුරාවටම ඔබ වෙනුවෙන් කැප වූ සහකරුවකු තෝරාගැනීමයි.❤

- උපුටා ගැනීම paw paradise  facebook පිටුවෙනි