මෙම ගම්මානය ඉතාලියේ උතුරු දිසාවේ සවොනා (savona)පළාතේ පිහිටි "බොර්මිදා "(bormida) නමින් හඳුන්වන අතිශය සුන්දර ප්‍රදේශයකි. වර්ෂ 1861 දී මෙම ගම්මානයේ පවුල් 1029 වාසය කර ඇති අතර රැකියා හිඟකම නිසාවෙන් ක්‍රමක්‍රමයෙන් ජනශුන්‍ය තත්වයකට 2014 වර්ෂය වනවිට පත්ව ඇත.

2014 වර්ෂයේ දී පත්වු නගරාධිපති වරයා වන දැනිඒලේ ගල්ලිආනෝ (daniele galliano)විසින් මෙම ගම්මානය යළි නඟාසිටුවිමට මහත් වෙසක් දරමින් සිටි.

වර්ග කිලෝමීටර් 17.3 ක ඝනත්වයක් හා මතුපිටින් වර්ග කිලෝමීටර් 22.43 ක් වන මෙම ගම්මානයේ දැන්ට පවුල් 387ක් ජිවත්වන බව වාර්තාවේ. එහෙත් තවමත් මෙම ගම්මානයේ ජනතාව දිගින් දිගටම බොර්මිදා ගම්මානය අතහැර වෙනත් නගරවල පදිංචිය සදහා යමින් තිබේ.

මේ හේතුව නිසා නගරාධිපති දැනිඒලේ ගල්ලිආනෝ (daniele galliano) මහතා විසින් එම නගරයට පදිංචි සදහා එන පවුල් සදහා දිමනාවක් වශයෙන් යුරෝ 2000ක් ($2100)ක දීමනාවක් දිමට කටයුතු කර ඇත. මෙම දීමනාව එම ගම්මානයට පදිංචියට යන මුල් දවසේ ලැබෙන අතර ඉන් පසුව ජිවත් වීම සදහා තම තමන් විසින් ආදායම් මාර්ගයක් සකසාගත් යුතු වේ. එම වගකීම නගරාධිපතිවරයා හට බාර ගැනිමට නොහැකී බව ඔහු විසින් සදහන්කර ඇත. සහනයක් වශයෙන් අයදුම් කළ කණ්ඩායම් අතුරෙන් පවුල් තුනකට මාසිකව යුරෝ 50 ක ගෙවීමක් පමණක් සිදු කළ හැකි බවද හෙතෙම පවසා සිටී.

ඔහුගේ මෙම කැපවීම ගම්මානය ජනශුන්‍ය ගම්මානයක් ලෙස නම් කිරිම වලක්වා ගැනිම බවද නගරාධිපතිවරයා කියා සිටි.

- ලක්දේශ් විජේසිංහ

ඉතාලියේ සිට