බොදු බල සේනාවට උනෙත් ඒ හෙනයය. සිංහල බෞද්ධයන් අවුලුවා ගැනීමෙන් තමන්ගේ අරමුදල් තර කරගත හැකි බව මේ පිරිස දනී. ඊයේ වූ (20) සිදුවීමදීද ඥානසාර කියන්නේ බණක් කියල කීයක් හරි හම්බුකරගන්නේ තමන්ගේ ව්‍යාපාරය නඩත්තු කිරීමට බවය. බණ කියන්න යන විට මුදල් ලැබෙන බව ඔහු පැහැදිලිවම පිලිගනී.. ඥානසාරගේ බණ මොනවාදැයි අමුතුවෙන් කිව යුතු නැත..

මේ ජාති ආගම් බේද බින්න කර ඒ තුලින් හට ගන්න ගැ‍ටුම්කාරිත්වයෙන් තොර පැවැත්මක් නැති මේ හිඟන සංවිධානය සහ එහි සාමාජිකයන් ගේ අසරණ භාවය ඥානසාරගේ භාවිතාව තුලින් පැහැදිලිව පෙන්නුම් කර තිබේ. ඒ අනුව ඥානසාර තෝරාගෙන තිබෙන මාවත මේ වෙලාවේ හැටියට වෙන කරන්න දෙයක් නැතිකම පෙන්නුම් කරන්නකි..

බොදු බල සේනාව හෝ අනෙකුත් ජාතිවාදී ආගම්වාදී සංවිධාන, දැන් දෙකයි දෙකයි එකතු කළාම හතරයි කියන්න තරමට පමණක් හෝ සිහිබුද්ධිය ඇති කවුරුවත් හෝ ගනන් ගන්නෙ නැත. ඒ පිස්සු මළ ඉලව්ක් බව අපගේ කන බොන මිත්‍රයන්ද වන ඇතැම් බොදු බල සේනා ආධාරකරුවෝ නිරන්තරයෙන්ම පෙන්වා දෙන ඇත්තම කාරනාවකි. එහෙත් මුස්ලිම් අන්තවාදයක් ක්‍රියාත්මක වන බවට තිබෙන තොරතුරු නිසා හා ඒ සම්බන්ධයෙන් රජයේ වගකිව යුතු ආයතන කිසිවක් නොකරන බව විශ්වාස කිරීම නිසා මේ පිරිස් මේ පිස්සු සංවිධානයේ කටයුතු වලට හෝයියා කියමින් සිටී. මේ නිසා ජාති ආගමික ගැටුම් නිරන්තරයෙන් පවත්වාගෙන යාම ඥානසාරට අවශ්‍යය.

එහෙත් මේ සංවිධානයට එක්වී සිටින බහුතරය දෙකයි දෙකයි එකතු කළාම හතරයි කියන්නවත් නොදන්නා නූගතුන් මෝඩයින් බහුතරයකි..උනුන්ට අනුකම්පා කරනවා හැර වෙන කරන්න දෙයක් නැත. මෝඩ කමට බෙහෙත් නැත. ඉතිහාසයෙන් පාඩම් ඉගෙන ගැනීමට තරම් දනුමක් නැති නිසා මොවුන් කෙලවා ගැනීමෙන් පාඩමක් ඉගෙන ගනී යැයි විශ්වාස කරන්නට තරම් අප මෝඩ විය යුතු නැත. පාඩම් ඉගෙන ගන්නවා නම් අර තිස් අවුරුදු යුද්දය වුමනාවටත් වැඩිය.

මේ ජාති ආගමික අන්තවාදීන් ට කෙලවා ගැනීමට සිදුවන්නේ දැන්ම නොවේ. මොවුන් එලව එලවා මුසල්මානුවන්ට පහර දෙන විට මුසල්මානු ප්‍රතිප්‍රහාරයන් ආරම්බ වනු ඇත. අයි එස් අයි එස් කාරයෝ එතකොට ක්‍රියාත්මක වනුද ඇත. ඥානසාරට නින්ද යන්නෙ ඉන් පසුවය. මොකද ඥානසාරට අවශ්‍ය වන්නේ එයය. ඒ අරමුදල් තරවන නිසාය. අයි එස් අයි එස් කාරයන්ට ඕනෑද මුස්ලිම් විරෝධී, සිංහල බෞද්ධ ප්‍රචණ්ඩත්වයයි. දෙගොල්ලො දෙගොල්ලන්ගේ පැවැත්ම මේ අවබෝධය සමඟ සකසා ගනු ඇත..

එහෙත් කවර හෝ වර්ගවාදයට එරෙහි වන බහුතරක් දෙනා අවසානයේදී විනාශ වී යනු ඇත. මුලින්ම විනාශ වනු ඇත්තේ බුදුන් දෙසූ මඟ යන ඇත්ත අනුගාමිකයන්ය.

සියල්ල අහවර වීමෙන් පසුව ඥානසාර අයිඑස්අයිඑස් අල්ලා දෙවියන්ගේම පිහිට අයදිනු ඇත. මන්ද ඔහුට ගැලපෙන තැන එතැන නිසාය.

ඊයේ වූ (20) සිද්ධියේ විඩියෝව මෙතැනින්